臘味煲仔飯

今日我見天氣涼涼哹，

係時候要整番煲煲仔飯嚟食下喇!

今日整咗臘味煲仔飯，

有埋飯焦，

正呀喂!

材料: 2杯米、臘腸1條、臘咸肉適量、蔥粒

調味: 豉油、老抽、糖、麻油

做法: 首先洗2杯半米後浸10分鐘；臘腸和臘咸肉用熱水沖洗後切片，

放入鍋內(不需落油)炒至出油後盛起備用；

將米放入鍋內加2杯水(量米杯)，

用中火煲約4~5分鐘至冒煙或差不多乾水後(即飯表面有細孔)，

用筷子係飯面拮十幾個窿窿後，將臘味平均放在飯面上，

轉最細火煲多15分鐘，期間需要將煲在煮食爐上下左右移動，

使飯焦平均分佈，熄火前灑上蔥粒焗多5分鐘，最後加調味撈勻食得!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page