雜菜肉碎魚片炒河粉

近排我好鍾意係佳寶買呢包越南河粉，

$25有2包，

我試過放湯煮和炒，

今次都係炒嚟食，

雜菜肉碎魚片炒河粉，

灼完D河粉，

我用少少老抽和油撈一撈D河粉，

咁炒起嚟就唔會黐全呀!

記得盡量用筷子撈散D河粉，

用鑊鏟會好易炒碎D粉架!

材料: 越南河粉3個、豬肉碎$15、魚片半條、椰菜1/4個(切絲)、

甘筍半條、雞蛋2隻

醃料: 豉油2茶匙、鹽半茶匙、糖半茶匙、生粉1茶匙、麻油少許

調味: 老抽、豉油、香菇粉

做法: 河粉放入熱水內出水至軟身，倒出過冷河隔水，落油和老抽撈勻；

豬肉碎落醃料醃15分鐘；椰菜和甘筍切絲；

雞蛋落少許鹽發勻後炒熟後盛起；魚片切條；

燒熱油鑊落豬肉碎炒熟後，加入魚片條、椰菜和甘筍絲炒熟後，

加入越南河粉和調味撈勻，最後加入雞蛋和落少許麻油炒勻便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page