生病晚餐~薯絲炒肉碎

今日唔知發生咩事，

大小魔怪兩個人都攞咗半日病假返屋企，

拿拿臨即刻幫佢哋做快測，

好彩佢哋都係一條線；

晚餐煲咗咸蛋皮蛋瑤柱肉碎粥，

炒埋一大碟肉碎炒薯絲，

簡簡單單又一餐呀!

材料: 兩個薯仔、豬肉碎$15、蔥粒、蒜蓉

醃料: 豉油2茶匙、鹽半茶匙、糖1茶匙、麻油少許、生粉少許

調味: 蠔油1湯匙、豉油半湯匙、鹽少許、糖1茶匙

做法: 豬肉碎落醃料醃15分鐘；薯仔去皮切絲，

放入清水內浸洗薯絲2次去澱粉質；

燒熱鑊落油，落豬肉碎和蒜蓉，炒至8成熟後，加入薯絲炒至軟身，

落調味和2湯匙水炒勻，蓋上鑊蓋焗1分鐘或至汁乾後，加蔥炒勻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page