客家蔥油鹽焗手撕雞

我見好耐冇整手撕雞嚟食，

今朝買咗隻冰鮮雞$60，

用鹽焗雞粉醃佢大半日，

蒸完拆肉，

淋上客家蔥油，

炒埋碟菜就開得飯架啦!

材料: 雞1隻、鹽焗雞粉1包、薑3片、蔥段

客家蔥油: 乾蔥頭1個(剁碎)、薑3片(剁碎)、蔥粒、蒸魚豉油、滾油

做法: 雞去內臟、切頭尾及洗淨後，用廚紙索乾水份，

加入鹽焗雞粉搽勻雞身內外，雞髀位置可以撕起少少雞皮位，

擦鹽焗雞粉搽入雞髀位，放雪櫃醃8小時；

從雪櫃取出雞後放室溫一小時，將薑和蔥後放入雞身內，

放入熱水鑊內蒸雞30分鐘熄火，唔好開蓋焗多5分鐘，

取出雞後先倒出雞汁，待涼拆骨起肉，最後將客家蔥油淋在雞面便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page