滑蛋雞扒飯(日式親子丼)

今次整呢個滑蛋雞扒飯，

做法同做日式親子丼差不多，

不過屋企冇鰹魚碎整唔到鰹魚湯，

其實唔落都唔係好覺啫!

材料: 雞扒1塊、洋蔥半個、雞蛋2隻

調味: 豉油1.5湯匙、味醂1.5湯匙、糖1.5湯匙、米酒少許、水1碗

做法: 雞扒解凍後用廚紙索乾水份，將厚肉部份用刀界開；洋蔥切絲；

燒熱鑊不需落油，將雞扒(雞皮向下)煎至金黃色，

反轉煎另一面至8成熟後切件；原鑊落洋蔥炒數十下，

加埋調味和雞扒煮至肉熟後，分兩次落雞蛋液，煮至蛋半熟或全熟都得。

~雞肉可以切成小件，加入調味煮熟都得；

~除咗雞肉之外，可以改用牛肉或豬扒；

~香港雞蛋大部份都係來自中國，所以雞蛋都係煮熟少少穩陣D呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page