柱候芋頭支竹炆排骨

小魔怪至愛食芋頭，

今日見街市有芋頭賣，

即刻買番個嚟炆排骨，

加埋我至愛嘅支竹，

咁就皆大歡喜啦!

材料: 一字排$45、芋頭1個(細)、支竹適量、乾蔥絲、蒜蓉、

薑片、蔥花、老抽少許、紹酒少許

醃料: 豉油半湯匙、鹽半茶匙、糖1茶匙、生粉1茶匙、麻油少許

調味: 柱候醬1湯匙、蠔油半湯匙、冰糖少許

做法: 排骨洗淨後，落醃料醃排骨1小時；

將芋頭去皮切片，燒熱油鑊落芋頭煎至兩面金黃色盛起備用；

原鑊落排骨略煎兩面後，加蒜蓉、薑片、乾蔥絲和柱候醬1湯匙炒勻贊酒，

加1碗半水炆8分鐘後，落埋支竹和芋頭炆至芋頭淋(約15分鐘)，

最後老抽調色後熄火，加蔥花裝飾便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page