2018馬來西亞輕輕鬆鬆之旅~第五日

7月22日(星期日)

怡保嘅點心好出名，

我哋都唔知邊間好，

問女朋友仔嘅爸爸，

佢好識搵周圍搵當地美食架!

但女朋友仔聽完都唔識點去，

所以唯有跟住旅遊雜誌介紹嘅地方搵食啦!

遊客區食嘅點心都係咁上下，

價錢都幾公道，

呢度食咗72蚊馬幣即$144左右，

都算抵食啦!

食飽又要揸2小時車落檳城，

沿途買番D零食咬下先得!

係檳城我哋住Hotel Chennai約$270晚，

呢間酒店好多外國旅客入住，

附近又係小印度區，

好多嘢睇架!

小魔怪嚟過檳城一次咁多，

竟然認得路行去睇出名嘅壁畫，

由於呢度壁畫太多，

只好揀咗幾幅比較出名嘅嚟影啦!

由於太熱，

一路行一路食冰冰，

仲有好味嘅印度咖哩角，

真係好好食架!

周圍行下公園、海邊和旁邊市集，

就叫車去汕頭街搵食喇!

權記鴨粥棵汁專賣店、天皇雞腳、炒粿條，

咪睇我哋好似食好多嘢咁，

其實呢次旅程上所見過我哋食嘅嘢，

每次都係叫一份咁大把，

3個人分嚟食，

每樣食少少都飽哂啦!

食飽飽就繼續行街，

冇嘢做搵場戲睇下都好喎!

呢度睇戲真係好平，

12蚊馬幣睇場戲($24)，

邊度搵呀!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page