英國&意大利畢業之旅
7月10日，
小魔怪早早起身煮定早餐，
點解咁勤力???
因為今日約埋女朋友仔一家，
同我哋一齊去Brighton沙灘玩囉!
未到約定時間，
我哋行咗去London Bridge 車站附近嘅Borough market行下。
買定少少生果上火車食，
一路食一路傾下計，
好快就到咗Brighton。
呢張相睇到我咁黑，
就知道嚟咗英國3日，
我已經黑到似賓賓咁嘅樣啦!
一路行市集，
一路影下相，
小魔怪搵到同學介紹嘅意大利餐廳食午餐，
戶外環境唔錯架，
最重要係食物色香味俱全，
同學真係冇介紹錯呀!
食飽就慢慢周圍行下，
終於行到Brighton海灘啦!
入咗去Brighton Pier玩遊戲機，
哈哈，
我哋玩到唔捨得走呀!
落到沙灘，
雖然曬，
但陣陣涼風，
好舒服啊!
呢條柱係British Airways i360，
聽講話佢升到上頂時，
會睇到法國添架!
食埋個豐富海鮮餐後，
就返倫敦旅館囉!
小魔怪女朋友仔攞咗佢哋家鄉馬來西亞肉骨菜包和白咖啡，
送俾我哋做手信呀!
大家可以入嚟Facebook讚下我新開嘅Fans專頁呀!
小魔怪同女朋友個樣好有夫妻相呀! 對眼同埋個咀都係倒模嘅一樣, 嘩! 雀后, 你好快做奶奶啦!哈哈!
回覆刪除哈哈，唔好掛，拍下拖先啦!
刪除哈哈，你真係曬到好黑
回覆刪除黑過賓賓呀!
刪除女朋友仔係馬來西亞人，咁咪要長距離戀愛
回覆刪除係呀，不過唔諗得咁多，等佢哋自由發展啦!
刪除點解唔上埋i360呀。 呢餐好豐富喎，好過WINDSOR果D。
回覆刪除冇時間，要趕火車嘛!
刪除係咪好快有新抱茶飲？
回覆刪除哈哈，唔好掛，拍下拖先啦!
刪除恭喜哂! 两個仔仔都大啦！又学業有成真係可喜可賀,现在两個仔仔都搬返香港住嗎?你們还這麽年輕兒子們已長大了那麽你俩不用愁可以每年到處去旅行嘆世界啦!
回覆刪除我哋都好高興佢哋學業有成，依家兩人都係香港呀!
刪除