英國&意大利畢業之旅~倫敦第二天

英國&意大利之旅

7月8日，

今次住係倫敦呢間住宿式旅館，

雖然要同其他人share廁所和廚房，

但大家都好有善啊!

至於屋主就好好人，

日日都會上嚟執屋，

真係少有架!

每日仲供應簡單嘅早餐俾我哋食呀添!

想食得豐富咁緊係要自己準備啦!

呢日我哋好早8點就出咗門口，

搭巴士去海德公園；

話時話，

原來英國巴士係冇冷氣架，

我咁怕熱，

真係幾慘架!

10點幾由海德公園行去白金漢宮已經好多人，

真係逼到逼唔入呀，

冇計唯有係外圍影下相當嚟咗啦!

中午去咗Samwei介紹去唐人街食龍蝦包、薯條和龍蝦湯，

嘩唔講得笑，

真係好好食，

龍蝦包和龍蝦湯都好多龍蝦肉，

值得推介呀!

食飽就慢慢周圍行，

亞仔係網上訂咗套票巴士遊和坐船遊泰晤士河，

遇啱呢幾日係英國最熱嘅天氣，

日日都有成32~33度，

真係熱到呢，

我搽咗太陽油都曬到成舊炭咁呀!

今日行程太豐富，

攰到行唔郁喇!

搭地鐵返旅館，

到附近pizza店買pizza套餐拎返去食算啦!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page