冬天必食~生炒糯米飯!

每當天氣一轉涼，

我就會諗起佢架啦!

邊個???

咪就係佢~生炒糯米飯囉!

小魔怪和我超like呀，

而大魔怪對糯米飯就麻麻哋啦!

呢一大盆生炒糯米飯，

等我同小魔怪夾手夾腳食哂佢啦!

咁啱老公又有應酬，

 

 

佢千吩咐萬吩咐話要留番俾佢食喎，

嘻嘻，希望有得剩啦!
 

 

全麥亞麻籽瓜子仁牛奶包!

我唔係咁鐘意落雨濕淋淋嘅日子，

不過，

如果有杯咖啡和麵包擺係我面前囉喎，

咁就唔同啦，

我成個人都會精神哂呀!

足料炮製~鮮草菇勝瓜雲耳魚肚杞子浸魚湯!

 

唔知係咪我好耐冇去魚檔買魚呢???

見到份4條嘅紅衫魚毛，

諗住買嚟滾湯啦!

亞姐話$25蚊，

嘩，好似貴咗D喎!

係我印象中呢份魚之前好似賣$10-15，

做咩依家貴咗咁多架???

條魚咁貴食得唔好嘥，

我要點豉油食埋佢呀!

 

鹵水豬軟骨!

唔知幾時開始，

我鐘意自己整鹵水汁，
買個鹵水包返嚟，

調啱自己嘅味道，

咁就可以用嚟鹵食物架啦!

每次鹵完食物後再煲滾佢待涼，

用盒或袋裝好後存放係冰箱，

咁隨時想整鹵水時，

攞出嚟煲滾就得啦!

今次用咗個燜燒鍋炆豬軟骨，

先炆豬軟骨1小時，

再放入燜燒鍋中焗3-4小時，

食前煲番半個鐘，

嘩，

D豬軟骨好腍好入味呀!　

 

全麥亞麻籽牛奶方包!

今日終於的起心肝整方包啦!

買咗個方包模已經有幾個月，

再唔用就舖塵架啦!

第一次整係咁上下啦，

爆口兼發得唔高，

係我貪快未發夠就放入焗爐焗，

不過焗出嚟質感又唔錯喎，

加埋亞麻籽落去，

感覺上好健康呀!

閒情!

 

近日係學校附近的湖上，

出現了一幕溫馨的情景~天鵝BB出巡啦!

每當天鵝BB出巡，

旁邊嘅天鵝爸爸和天鵝媽媽都好緊張，

做咗佢哋嘅左右護法呢!

睇見佢哋一家咁優閒游來游去，

好羨慕啊!

跟網友談起，

現今香港，

真難見到活生生嘅雞鵝鴨，

不久將來小朋友認識它們，

可能只在書本上，

真可悲啊!

 

 

 

蝦醬炸雞翼!

講個好消息俾大家知，

有學校收咗祈祈BB讀N.1班啦!

嘻嘻，

我諗呢間學校從此又多一個小百厭星啦!
今時今日，

唔係人人都喜歡蝦醬嘅味道，

但我就好鐘意啦!

我覺得佢有一種淡淡清香，

咸得嚟好味道呀!
 

 

吉士忌廉包!

 

上次整芒果拿破侖時，

預多咗吉士餡添，

食得唔好嘥，

今日即刻整番個吉士忌廉包做宵夜先得!

 

 

薑汁炒芥蘭!

大小魔怪自細都唔鐘意食芥蘭，

因為佢哋話有苦味喎!

不過自從我加咗薑汁落去炒芥蘭之後，

咁又唔同講法啦!

Happy gathering!!

 

噚日我同老公去咗探祈祈BB，

因為妹妹話要慶祝祈祈BB 20個月大喎!

冇見一排，

祈祈BB又大個咗仲瘦咗添；

呢排妹妹佢哋為咗幫祈祈BB報讀2歲班，

非常煩惱，

原因係佢太活潑、坐唔定、鐘意玩、好奇心強；

面試時，考官竟然問一個唔夠2歲嘅小朋友:

一連串動物、五官、水果、分辨顏色、大小、方位等等。

我聽到都O哂咀呀!

如果祈祈BB識，都唔使返學啦!(呢個係我個人意見呀!) 

講完祈祈BB，

就講我哋噚晚嘅晚餐；

呢餐晚餐係由我哋每一家人準備2個餸而成的；

我準備芒果拿破侖、粟米魚肚羹 

芒果拿破侖!

今日一早起身，

因為有個艱辛任務要完成呀!

咩任務???

就係要整一個芒果拿破侖啦!

我會攞呢個蛋糕去探祈祈BB，

呢個妹仔已經20個月大啦!

講開又講，

噚日去買芒果，

成個街市得1檔有咋，

仲要成$12個，

我買咗4個，

超貴呀!

不過都幾甜啊!(抵番呀!)

家常便飯&團購家鄉雞!

噚晚食咗雜糧，

所以今日下午要煮飯食啦!

至於晚餐呢，

前排買咗個團購家鄉雞~封味錫紙烤系列，

試試新醬燒雞，

我同小魔怪覺得幾入味，

而大魔怪就覺得炸雞好食D囉!

午餐:

雜糧~蟹柳吞拿魚pizza&粟米火腿蘑菇燴螺絲粉!

 

食咗咁多日中餐，

大小魔怪終於頂唔順啦!

今日改改口味食pizza和燴螺絲粉，

簡簡單單又攪掂一餐啦!

High tea~Pantry Bread & Pastries!

 

今日，

我陪朋友落銅鑼灣辦事；

做完正經事後，

順便一齊去high tea呀!

點解揀呢間，

因為朋友老公係呢度做總餅司囉!

我哋3個人試食咗4款cake，

芒果酥、蘋果酥、咖啡芝士蛋白卷、檸檬芝士餅。

其實件件cake都各有特色，

不過我最鐘意食芒果酥呀!

地址: 銅鑼灣百德新街50-56號唐寧大廈地下D舖

電話: 25773898

鮮腐皮雞扎!

係深水埗樹記買咗D腐皮碎都仲未用完，

用嚟煲湯又煲過糖水，

今次我用嚟整點心~鮮腐皮雞扎!

諗住蒸2件雞扎獨食啦!

點知小魔怪啱啱放學返咗嚟，

唉，

又要同佢一齊分享啦!

芝士椰香葡國雞翼!

今日下午又冇停水啦!

因為屋苑要洗水缸囉!

好彩好快已經有番食水，

而且D水又冇以前咁黃添!

見有水，

拿拿淋整定個改良版葡國雞先得，

到臨食前再加埋芝士焗下佢，

唔知有冇得剩呢???
 

 

西餅、甜品製作精選實習班(第十堂)~芒果拿破侖&蝴蝶酥!

今日已經係呢個課程最後一堂啦!

今次整嘅係芒果拿破侖，

不過亞sir見搓開酥皮，

咪又搓埋蝴蝶酥請我哋食囉!
雖然呢堂係最後一堂，

不過，

我又報咗另一個蛋糕課程，

11月頭開學啦!

芝麻雞絲粉皮拌青瓜絲!

手撕雞就食得多啦!

今次唔想加薑蔥蓉，

加咗芝麻醬落去一齊撈起，

哈哈，

正所謂撈起撈起，

撈到風山水起呀!

 

牛皇星!

T&P係澳洲返咗嚟，

梗係要約埋一齊食飯傾計啦!

今日我哋又係嚟呢間佐敦吳松街嘅牛皇星烚吓烚吓，

出席有:T&P伉儷、lonely&囡囡、sand sand和我!

今次我最鐘意食嘅係新鮮炸魚皮，

超脆呀!

獻出第一次~蝴蝶酥!

 

 

今日終於拎起心肝整蝴蝶酥!

因為明天有個約會，

約會嘅朋友仔會做今次嘅白老鼠，

哈哈!

呢個已經係減糖版，

不過勁多牛油，

要肥嘅就一齊肥啦!

仲有呀，

千祈唔好俾亞sir睇到我整呢個蝴蝶酥，

因為錯漏百出，

佢實趕我出師門架!@@"

客家釀豆腐卜!

係流浮山買咗條梅香咸魚，

斬開一件件後，

放入玻璃樽內蓋好，

存放於雪櫃中，

食前攞一件出嚟略洗，

用嚟蒸餸都唔錯架；

不過今日件咸魚唔係用嚟蒸，

係釀呀!
 

 

印尼沙爹雞串燒!

大小魔怪自升上中六後，

課程好緊密，

仲好多功課添，

有時仲要做到半夜三更，

都幾辛苦架!

整碟印尼串燒俾佢哋減減壓啦!
 

 

西餅、甜品製作精選實習班(第八&九堂)

 

我太多blog未post，

所以今次一次過post哂兩堂所學嘅課程，

呢兩堂學嘅都係我嘅至愛，

焗梳乎厘、蝴蝶酥、咖哩酥皮牛肉角和格仔餅!

第八堂原本學pavlova&格仔餅，

不過我哋全部同學仔冇咩興趣整pavlova，

所以要求亞sir改整酥皮咖哩牛肉角，

我哋同學仔齊齊夾錢買材料呀!

打邊爐!

 

自從係樹記買咗2包嚮鈴返嚟之後，

大小魔怪日日都問幾時打邊爐，

見佢哋咁鐘意囉，

好啦，

噚晚卅度都嚟打邊爐啦!

我哋太心急太肚餓，

肥牛、豬柳片、魚皮餃和金菇都未影相已經開餐啦!

昨日的下午茶~沙律蟹捧包+蒸餾咖啡!

老公早排申請信用咭，

送咗部蒸餾咖啡機俾佢，

細細部每次整得一杯，

幾時先輪到我有得飲呀???

雖然係咁，

不過間中焗個包嘆杯咖啡，

都唔錯啊!

 

歡送會!

與我哋做咗九年同事嘅英文老師~Mrs. Simone，

佢哋一家下星期要返紐西蘭啦!

係呢九年日子裡面，

佢好盡心盡力教學生，

做事投入和冇怨言，

我哋全體學校同工都好唔捨得佢呀!

離愁別緒，

盡在這個晚上!

今次我哋選擇食中式hotpot和教她打麻雀呀!

呢兩樣活動佢都未試過架!

炒三絲!

噚日和今日，

大魔怪學校舉行陸運會，

今年佢冇參加任何比賽，

因為佢要做工作人員，

唔知係咪佢太投入太落力，

攪到肌肉酸痛，

痛到成晚都瞓唔好覺；

做亞媽嘅我心都痛埋囉!

食止痛藥和搽咗按摩膏，

希望可以舒緩痛楚啦!

深水埗~添好運、樹記、公和!

10月2日(星期二)，
三個女人原本約埋一齊入長洲，
不過驚長洲好多人(撞船後又驚咗搭船)，
所以決定改行程去深水埗啦!
第一站~添好運點心專門站!
俾我發少少牢騷:
其實排隊唔緊要，
不過唔該公平少少啦!
遲嚟先有枱，
早到要繼續等;
仲有大聲投訴嘅大陸客會即刻有枱，
我哋呢D斯文客就要死等，
公平咩???

 

我唔想同某某人一般見識，
但都要同經理理論一下，
原來大聲夾惡係有用架，
咩世界呀???!!!

非一般的~鳳爪排骨蒸飯!

 

非一般的~鳳爪排骨蒸飯!

非一般???

今次唔係用普通排骨，

而係用飛排~排骨中的極品，

又腍又滑的部份!

加埋杯濃濃普洱茶，

滿足!

 

鮮腐皮白果薏米胡椒豬肚排骨湯!

噚日襯仲係假期，

所以我、好子和Sand Sand一齊落深水埗行街街；

買咗一大堆嘢，

最最最想買嘅就係佢~鮮腐皮碎，

唔好睇少呢D腐皮碎，

用佢嚟煲糖水、煲湯都好好飲架!

本來噚日諗住煲另一款湯，

但我等唔切啦，

即刻要煲嚟飲~鮮腐皮白果薏米胡椒豬肚排骨湯，

加埋馬蹄落去一齊煲，

超正呀!

 

 

中秋燒烤樂!

噚晚，

我哋兩老去咗姐姐家燒烤，

大小魔怪梗係有節目啦!

我同姐姐講，

第日肯定會剩番我哋呢D老人家一齊過節囉!

好彩，

仲有祈祈BB陪我哋咋!

姨甥仔生日，

我整咗個蛋糕賀賀佢呀!

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page