老同學聚會!

 

今日是老公與他的小學中學同學聚會的大日子，
他們大約一年都有2-3次聚會啦!
今次聚會嘅目的是為咗佢~大閘蟹!
話明大閘蟹，
究竟有幾大???
睇吓老公隻表對比隻蟹就知道啦!
我同老公總共食咗4隻大閘蟹，
呢餐又真係好抵o架!
每人都剩係$350咋!

香草肉醬意粉!

 

童年吃西餐的回憶中，

 

最常吃的是肉醬意粉，

 

因為容易整囉!

 

不過以前，

 

母親大人喜歡用新鮮蕃茄煮肉碎；

 

現在的我鐘意用樽樽醬，

 

因為大小魔怪唔多鐘意新鮮蕃茄嘅酸味。

 

 

薑蔥霸王雞!

 

記得細細個時，

 

爸爸一出糧，

 

他都會帶我們一家人上館子吃飯，

 

首推是泉章居；

 

他一定會點薑蔥霸王雞讓我們吃，

 

我們每每吃了最好味道的雞腿、雞翼，

 

而他呢?

 

他只會吃雞頸、雞腳和撈汁食飯，

 

將雞最好味道的部份全留給我們。

 

 

歡度週日!

 

嘻嘻!點解咁夜先出網誌，
因為我又出咗沙田，
與母親大人打麻雀，
原來母親大人的眼睛仍未痊癒，
眼睛用神過久會洗眼水；
不過她仍然抵受不著麻雀的魔力，
都會與我們打幾十圈麻雀。

打完麻雀後，
我們沒有出外吃晚飯，
姐夫親自做了一些家常餸菜給我們吃，
而我又帶備醃好的孜然牛肉和泰式鳳爪，
樣樣我都覺得好好味道呀!
     

亂炒一通~辣酒煮花螺!

 

今日繼續留校剪片，

 

放學後，即到街市買餸，

 

一入到街市，

 

睇到D細花螺仔特價$10碟，

 

咁就買咗$20返屋企。 

 

買到返屋企，老公話要食辣酒煮花螺，

 

吓!我識食唔識煮喎!

 

即刻上網搵資料，

 

原來辣酒煮花螺用清酒o架???

 

冇喎!

 

要用豆瓣醬和辣椒醬???

 

冇喎!

 

點算好???

 

以我打開天才波嘅經驗

 

用有限嘅物料，做無限嘅餸菜，

 

又俾我征服咗佢啦!

泰式酸辣鳳爪!

 

女人係天生購物狂，
衫、褲、鞋、飾物等都樣樣好；
不過，我和我的同事就有少少分別啦!
我哋最鐘意買嘅野係食物!

我哋有咩平價食品都會訂，
例如Q版飲品，
係超級市場買要成$7.X一排(4盒)左右，
大批訂就$4.95一排。
不同款式的香腸，
我哋都會訂嚟食，
尤其是德國腸呀!
原來好好味道o架!

今次我哋就訂凍肉啦!
我少少哋訂咗無骨鳳瓜4磅、咸豬手2隻、青口2磅、魚柳2磅等，
都係$180左右。
紐西蘭青口肉1磅$22；
德國咸豬手1磅$9.5：
龍利柳1磅$7.5；
最抵係無骨鳳瓜，
街市1磅買成$2X-$3X，
呢度1磅$12.5咋!

同事幫我係街市裡買了一樽自製泰式酸辣汁，
整白雲鳳爪最啱啦!
將無骨鳳爪出水5分鐘，
浸冰水後撈起入膠盒，
切芫茜、洋蔥後加入鳳爪內，
倒入酸辣汁和少許雞粉，
放入雪櫃浸一日便成。
     

家常便飯!

 

今日放工約咗老公嚟學校接我，
因為我有太多嘢要攞返屋企，
順便又送同事兒子回婆婆家。
繼上次有突發事要他立即請假陪我，
今次又一次肯請假幫我搬嘢，
有時都覺得老公幾好o架!
老公，錫哂你啦!

返到屋企又要開始準備晚飯啦!
洗洗洗、切切切都唔係我做，(工人姐姐呀!)
炒炒炒、炆炆炆就係我啦!
     

薑蔥蒜炒青口
     

豉油雞翼
     

欖菜肉碎炒四季豆

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

又開始忙忙忙啦!

 

星期六是家長日，
我們需要將小朋友在學校裡的活動拍攝短片，
好讓家長能了解小朋友上學的情況，
所以未來一兩日，
我都要留校幫忙剪片，
對住部電腦睇片好辛苦，
年年都睇到我眼曚曚o架!

今日去到街市，
見到有蜆買，
之前幾次都係買花甲，
呢次就買蜆嚟炒啦!
為咗唔想有沙，
於是用鹽水浸浸D蜆，
等佢哋吐沙先。
     

蒜頭豆豉炒蜆(加辣)
     

蠔油肉碎豆腐
     

鹽水菜芯
     

涼拌青瓜 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

終於買到孜然粉啦!

 

今次返中國，

 

最大收獲是買到孜然粉，

 

一樽唔使6蚊人民幣，

 

都唔算貴。

 

為咗試試呢樽孜然粉好唔好味道，

 

於是自己試吓整孜然雞翼。

 

窩心的椰汁咖哩雞!

 

今日我教完圖畫手工班後，
匆匆的帶埋同事兒子搭屋村巴士落元朗，
交給正在巴士站旁等待的公公。
順利將同事的兒子交到公公手上，
心裡滿心歡喜!
此時，公公遞上一袋物品交給我，
我才記起原來同事母親為了答謝常常幫她帶孫子回家，
親手做了一袋家鄉椰汁咖哩雞讓我品嚐啊!
(同事母親是泰國華僑呀!)
嘩!太美味啦!
好香椰汁味，又有少少辣，
我不禁又食多咗飯啦!
在此真的要多謝丘媽媽!

    

椰汁咖哩雞
     

醉雞翼
     

煎紅衫魚 
     

炒菜芯 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page