今日繼續留校剪片，
放學後，即到街市買餸，
一入到街市，
睇到D細花螺仔特價$10碟，
咁就買咗$20返屋企。
買到返屋企，老公話要食辣酒煮花螺，
吓!我識食唔識煮喎!
即刻上網搵資料，
原來辣酒煮花螺用清酒o架???
冇喎!
要用豆瓣醬和辣椒醬???
冇喎!
點算好???
以我打開天才波嘅經驗
用有限嘅物料，做無限嘅餸菜，
又俾我征服咗佢啦!
材料:花螺、黃酒、蒜蓉、乾蔥蓉和辣椒1隻
調味:豉油、老抽、糖、鹽和水
做法:將花螺出水；用蒜蓉、乾蔥蓉和辣椒炒香，
加花螺、調味和水等煮10-15分鐘，至汁濃為止。
炒花螺時，
連坐响廳嘅老公和大魔怪都話辣呀!
由於屋企得黃酒，
所以味道較甜，
就連唔太食得辣嘅大魔怪都食唔停口；
不過佢一面食，
一面狂飲冰水，
最最最慘係我呀!
因為屋企冇哂啤酒呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!