老公鐘意食蕃茄，
咁啱雪櫃仲有2個蕃茄，
今晚就可以即刻滿足佢啦!
我加咗雞蛋和豬肉碎落去一齊煮，
呢個餸濕濕哋好送飯架!
材料: 蕃茄2個、雞蛋2隻、豬肉碎$15、蒜蓉、蔥粒
醃料: 豉油半湯匙、糖半茶匙、生粉少許、水1湯匙、麻油少許
做法: 豬肉碎用醃料醃15分鐘；雞蛋落少許鹽打發好備用；
蕃茄洗淨後切粒；燒熱易潔鑊落油，倒入蛋液快炒成滑蛋後盛起；
原鑊落少許油加肉碎炒至8成熟(盡量將豬肉碎炒散)，
落蕃茄、蒜蓉炒至出茄油，加入水半碗煮至汁濃後，
按個人口味加鹽和糖調味，加埋滑蛋炒勻後上碟，
最後灑上蔥花便成。
大家可以入嚟Facebook讚下我新開嘅Fans專頁呀!
呢個真係好好送飯 ! 大人細路都鐘意.
回覆刪除