快餐~白汁蘑菇雞絲意粉!

今日有嘢攪，

冇咩時間煮飯，

係咁易整咗個快餐~白汁蘑菇雞絲意粉，

簡單又好味道，

大魔怪食咗3碟後問:

媽咪，仲有冇意粉呀???

我暈啦!

脆皮燒腩仔!

今日係農曆七月十四，

唔知係咪咁嘅原因，

寫咗幾次blog都出唔到，

有冇咁邪呀!

自製麵條~薑蔥手撕雞撈麵!

今日太陽伯伯好勤力呀!

曬到我CC下，

我諗元朗起碼有成36-37度，

真係熱到人都顛呀!

返到屋企大小魔怪已經開咗冷氣，

好舒服呀!

不過當收到電費單時，

我就會冇眼睇啦!

 

麵條做法:
材料: 高筋麵粉300g、低筋麵粉200g、鹽半茶匙、水225g

做法: 將麵粉、鹽和水混合，水要慢慢加入麵粉中，

由鬆散麵糰搓成光滑唔黐手，用濕布蓋著等30分鐘，

取出麵糰切開4份，用擀麵捧擀平後，

放入壓麵機調教9度壓麵糰兩次，

再調教7度和4度壓麵糰，灑少許麵粉在麵皮上，

放入切麵機中切成粗條；將麵條放入滾水中出水後，

加入喜愛的材料或湯料，就有好味嘅自家麵食啦!


薑蔥手撕雞做法:

材料: 芽菜半斤、雞1隻、蒜蓉、乾蔥蓉、薑蓉和蔥粒
醃料: 鹽1.5茶匙、玫瑰露酒半湯匙
調味: 豉油1湯匙、老抽半湯匙、糖1茶匙、麻油少許和蒸雞汁3匙羹
做法: 雞用鹽和玫瑰露酒醃半天；芽菜去頭尾用鹽水烚30秒，
撈起瀝乾水份備用；蒸雞25分鐘後焗多5分鐘，待涼拆肉，

將雞肉放在芽菜面；燒熱油鑊爆香將蒜蓉、乾蔥蓉和薑蓉，
加入調味料內與雞絲、芽菜和蔥粒撈埋便成。

 

 

 

 

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

西餅、甜品製作精選實習班(第五堂)~意大利奶酪&什果金寶批!

 

今日亞sir教整意大利奶酪&什果金寶批，

不過大家都唔係咁鐘意食熱嘅生果批，

如果做凍批我諗會受歡迎多D囉!

好彩亞sir最後都整咗個蛋撻請大家食，

好味道呀!

青春!

青春，

真可愛青春！

拔，

我咁嘅年紀都生咗兩粒青春豆，

我唔想囉！

蜜椒雞翼!

前排睇番亞蘇嘅節目，

教大家醃燒烤雞翼時，

加埋蜜糖一齊醃會好味D喎；

我又試下係咪真係咁好食先得!

咖哩蘿蔔豬皮魚蛋!

今日整咗一大碟咖喱蘿蔔豬皮魚蛋，

都唔使30蚊，

抵到呢!

大小魔怪一見到碟餸即刻話:

嘩，

做咩今日咁好餸呀!

銅鑼灣~宮崎日式燒肉店&誠品香港店!

今日約咗lonely、Sand sand、草草和我一齊食晚飯，

目的地係銅鑼灣宮崎日式燒肉店呀!

芝士海苔芝麻肉鬆包

 

自從我去學整蛋糕後，

都有成個月冇整麵包啦!

做人係唔可以貪新忘舊o架!

今次我用咗台灣買嘅海苔芝麻肉鬆+北海道3.6牛奶，

同埋加咗Mozzarella cheese，

唔知咁嘅配搭，

啱唔啱大家口味呢???

西餅、甜品製作精選實習班(第四堂)~芒果芝士毛士蛋糕&南瓜批!

今堂整芒果芝士mousse蛋糕，

可惜亞sir話成條街都搵唔到有芒果賣，

唯有係烘焙店買現成芒果蓉，

不過整完一D都冇芒果味，

嘥哂啦!

好彩有個好味道嘅南瓜批，

甜度適中，

外形仲靚過街買呀!

 

涼拌榨菜腎片!

見有幾個火雞腎係冰箱，

一於整個涼拌餸食下先得，

順便清清個冰箱都好呀!

鱷魚止咳湯!

前幾日，

我係美食博覽買咗幾包北京同仁堂嘅湯包，

見老公近排有D咳，

簡簡單單買咗舊豬展，

加埋1個紅蘿蔔和3條粟米一齊煲，

好方便呀!

雪菜火鴨絲湯窩米!

我將噚晚帶番屋企其中一個鴨殼起咗肉，

整咗個雪菜火鴨絲湯窩米；

一大包米粉連湯連餸，

俾大小魔怪清哂啦!

10蚊雞1個鴨殼都起咗成碗肉，

正呀!

雙喜~沙田明星海鮮舫!

 

今日，

妹夫請食飯，

一來慶祝妹夫榮升副校長，

二來慶祝祈祈BB18個月生日呀!

姐姐買咗個生日蛋糕，

而我就整咗條蛋卷啦!

第一次~鮮忌廉卷蛋糕!

今日，

係我第一次自己一手一腳整卷蛋糕，

雖然個蛋糕厚身咗少少，

忌廉搽得唔夠勻，

卷又卷得雞手鴨腳，

不過食落又幾好味道，

技術仲有好多進步空間呀!

2012美食博覽!

今日又掛起3號風球啦!

襯有風假和同事一齊去灣仔會展逛逛美食博覽，

幣，

我買買買到唔停手，

點拎呀???

涼拌菠菜豆腐乾!

仲有一包豆腐乾，

食用限期好快到，

一於又整多個豆腐乾菜式先得!

今次整涼菠菜豆腐乾!

豆腐乾炒三絲!

係中國買咗2包豆腐乾返香港，

3.5人民幣2包價錢超平呀!

今日用咗一包嚟炒絲，

清清哋，

啱哂我呀!

西餅、甜品製作精選實習班(第三堂)~香蕉合桃蛋糕&蛋白檸檬批!

 

今日上堂學整香蕉合桃蛋糕&蛋白檸檬批，

其間亞sir整多咗批皮，

於是加少少咖啡水、杏仁片和糖霜，

咁就做咗美味嘅咖啡杏仁曲奇啦!


 

涼拌日!

今日係涼拌日，

因為一次過整咗兩款涼拌菜式，

涼拌茄子和涼拌豆腐乾；

有小魔怪幫手拆茄子絲，

佢話碟茄子特別好味道喎!

北上~少年宮書城、廚安居、超市一日購物團!

今日，

約咗好子、美味娘娘和sand sand，

一齊北上shopping兼飲飲食食；

我哋由朝早10點買買買行行行食食食到晚上9點半左右，

成個人散哂，

好攰呀!

第一站係少年宮書城，

話咗唔買書o架啦!

不過都係忍唔住手，

買咗3本書呀!

黑加侖子香檳半圓球蛋糕!

 

今日，


我又同lonely去學整蛋糕啦!

今次整黑加侖子香檳半圓球蛋糕，




呢個蛋糕都幾多步驟，

仲用咗5種不同嘅酒嚟整，

小朋友唔係幾啱食，

不過酒鬼嘅我就鐘意啦!

酸酸甜甜，

唔錯唔錯!

鮮魚湯飯~絲瓜魚湯浸魚肚!

唔知我係咪作病呢；
 

今日成朝都覺得好鬼凍，

手腳冰冷，

好唔舒服呀!

好彩下午飲咗碗熱湯，

暖番少少，

今日冇咩胃口，

食湯飯呀!

焗雞蛋糕!

 

上次試過亞sir整嘅蛋糕之後，

真係好好食，

今日我抵受唔到誘惑添，

再整嚟食呀!

 

 

 

豉汁帶子蒸豆腐!

上星期，

我真係好少留係屋企煮飯，

連老公都有少少微言話我成日唔黐家，

睇嚟，

我要閉關幾日囉!

 

西餅、甜品製作精選實習班(第二堂)~椰子雪芳蛋糕&花生曲奇!

今堂亞sir教整椰子雪芳蛋糕&花生曲奇，

又係用分蛋法，

加埋椰絲和椰漿，

好香；

不過我都係鐘意食冇椰絲嘅蛋糕囉!

天水圍客家好棧!

今日，

我做孝順女，

請母親大人食晚飯；

母親大人成日話想去客家好棧食飯，

一於聽佢話啦!

小魔怪話好攰唔去，

加埋母親大人得我哋4個人咋!

我叫咗個4人套餐+孖寶餐，

6餸1湯2飯，

連個待應都懷疑咁望住我哋~好大食呀!

呢餐食咗$558免加一茶芥呀!

黑椒洋蔥牛仔骨!

 

開咗學兩日，

日日放工後我都好鬼攰呀!

雖然依家小朋友有家長陪，

暫時冇小朋友喊；

不過到下星期開始，

家長要逐步離開，

希望到時小朋友唔好大合唱啦!
 

 

團購~潮廷匯!

今日，

Lonely、Sand sand、好子和我，

又約埋一齊食飯啦!

今次又係團購食8道菜私房晚餐，

除咗8道菜外，

仲有送芝士龍蝦煎麵和壽包，

每位$139+$25茶芥加一呀!

每人一份，

唔使爭呀!
 

雜果涼粉!

天氣咁熱，

真係熱到唔想出街呀；

不過如果有碗冰凍涼粉食就very good啦!

如心廣場~漁屋!

 

今日，

我和大小魔怪約咗母親大人、姐姐一家、妹妹一家，

合共9人，

去食日式放題，

妹妹仲講笑話，

以大小魔怪嘅食力，

睇下可唔可食到間放題執笠先得!