朱小B已經滿月啦!
噚日我哋兩家人齊齊出外食飯慶祝，
遲下百日宴先邀請親戚朋友呀!
我哋揀咗大埔小白鷺金鷺湖食午飯，
呢餐食咗$2540，
食物好精緻，
我哋個7位大人，
點心可以點7粒，
餐廳相當細心和有靈活性。
我哋齊齊返去大仔屋企，
細仔抱B都不知玩得幾開心，
我哋仲笑佢快D搵個女朋友，
生番個玩下啦!
哈哈，
大家圍住睇朱小B沖涼都係一個節目嚟架!
沖完涼戴咗母親大人(太婆)送嘅銀鐲，
和婆婆送嘅金鍊金鐲，
朱小B成個精神哂呀!
我哋有時間打咗6圈麻雀，
我一家贏3家，
開心呀!
晚餐大家話食部隊鍋，
鐘意食咩材料都加落去，
仲有香煎豬頸肉、泡菜蘿蔔和韓式紫蘇葉，
4包辛辣麵唔夠食，
最後再煮多2包，
先夠大食嘅佢哋呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!