噚日小魔怪確診後，
佢即刻上報衛生署，
我哋一家四口隔咗2個鐘頭後就收到居家檢疫令，
未來七日我哋要進行自我健康監察，
而小魔怪今日下午五點半左右，
衛生署安排佢入咗竹篙灣呀!
屋企適合佢帶入隔離營嘅物資(食物)唔多，
我已盡力了。
以上物資係我幫小魔怪準備的，
下面就係政府速遞俾我哋3人嘅防疫包，
小魔怪入隔離營係唔需要的；
我仲有打咗民政署熱線1833019，
安排送支援物資(食物和日用品)，
我最最最需要係廁紙，
屋企得番6卷廁紙呀!
小魔怪啱啱到咗竹蒿灣，
佢話好爽好正，
冷氣機有冷暖風，
唔驚凍呀!
入到去即刻安排食晚飯，
仲有零食杯麵添呀!
大家可以入嚟Facebook讚下我新開嘅Fans專頁呀!
順利度過啦! Good luck ~
回覆刪除小魔怪噚日開始冇發燒，安心好多呀!
刪除應該好快冇事啦
回覆刪除希望係啦!
刪除政府安排得幾好喎，你不用擔心，安心休息七日啦，好快出關喇！
回覆刪除今日已經第三，仲有四日呀!
刪除係唔係可以揀家居隔離定去隔離中心?
回覆刪除宜家啲支援完善咗好多, 時間好快過, 捱幾日就出關啦 !
妳咪當呢七日清吓屋企物資囉~
如果屋企有兩個廁所，咁就可以唔使去隔離營呀!
刪除