有少少後悔昨日買得太少新鮮粟米粒回香港，
D粟米又清甜，又沒有渣，
最主要係唔使自己剝得咁辛苦(惰性又出現啦)。
昨日已經利用咗少少粟米伴鴨胸肉，
今日本來想整沙律又唔夠粟米喎!
唯有整XO醬炒粒粒啦!
有blog友話我咁有心機成日用刀切嘢!
哈哈!其實我真係幾鐘意用刀切嘢和煮o架!
之不過最唔鐘意就係洗碗和清潔廚房。
XO醬炒粒粒的材料有:
粟米、肉豆粒、豬肉粒、蝦和細元貝等，
加李錦記XO醬嚟炒。
XO醬炒粒粒
另外，小魔怪昨日話好耐冇食梅菜炆腩肉，
好!今日又炆個腩肉啦!
梅菜炆腩肉
個炆腩肉都好容易整，
先將腩肉出水(容易切開)，
然後用蒜頭起鑊，爆香腩肉後加少許酒，
落老抽和水炆1-1個半小時，
約35分鐘後加入梅菜，
炆至豬肉淋為止，最後加生抽和糖調味便可!
好少見小魔怪會添飯，仲係2大碗。
至於大魔怪緊係食3碗飯冇走雞啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!