今日我好想食粥，
於是係街市買咗半邊＂新鮮雞＂(買雞老板話)
嚟煲雞粥。
但大小魔怪對粥冇興趣，
唯有整個ＸＯ醬芽菜肉片炒河粉比佢哋食。
原本提咗老公買油炸鬼返嚟，點知佢忘記咗，
雞粥
首先將雞洗淨，用紙抹乾，
然後加豉油、麻油、胡椒粉、
粟粉加薑絲醃雞2小時；
加4粒瑤柱並用大火煲粥1小時15分鐘後(唔使掩蓋)，
再加雞煲多30分鐘，便成美味嘅雞粥。
隻雞又真係唔同冰鮮雞喎!
有雞味和夠嫩滑，
連唔鐘意食粥嘅大小魔怪都食咗1大碗。
XO醬芽菜肉片炒河粉
學足蘇絲黃教嘅做法，將D河粉逐條撕開，
先炒熟芽菜和豬肉後，
再炒河粉加入老抽和豉油調味，
最後加入所有材料和XO醬炒埋2大碟。
大魔怪仲話D河粉炒得太少，唔夠食喎!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!