今日整咗隻懶人版嘅豉油雞，
全程用豉油汁浸熟隻雞，
雖然係冰鮮雞，
係D雞肉都好滑架!
近期我脫髮比例嚴重，
髮型師建議我剪短頭髮睇下有冇改善，
前幾個月我已經剪咗5寸頭髮，
今日又剪多差不多有3~4寸頭髮，
十幾年冇試過咁短頭髮，
真係有D唔習慣添!
雪櫃仲有幾磚南乳係度，
拿拿臨買咗個有泥嘅粉藕，
炆咗一大鍋南乳蓮藕炆排骨，
加埋我至愛嘅豆腐卜和支竹，
呢個餸超級好送飯，
係大小魔怪至愛餸菜之一嚟架!
响759亞信屋買咗隻德國咸豬手，
今日就用佢嚟整德國咸豬手兩食，
黑椒洋蔥炆咸豬手&蕃茄薯仔甘筍煲咸豬手，
今次老公話好煮意喎!
有湯飲又有咸豬手肉食，
正呀!
雪櫃樽秘撈魚蛋醬仲有少半樽，
今日就攞佢嚟整咗呢碟咖哩薯仔炒豬肉碎，
打斧頭餸菜之一，
薯仔$8+豬肉碎$15，
炒起一大碟，
咖哩惹味又好送飯，
撈飯一流，
真係幾正架!
打風前買定幾塊雞髀肉放入冰箱，
今日攞出嚟蒸臘腸冬菇；
臘腸用熱水灼過，
雞髀肉就起哂皮，
食落就冇咁油啦!
天文台預告今日會掛8號風球，
我早早煲定湯~金羅漢果菜乾紅蘿蔔粟米煲豬腱，
等大小魔怪下午返嚟有啖湯飲呀!
晚餐就3餸1湯，
白飯任裝。
今日香港全日掛3號風球，
聽講話明早會掛8號添，
唔知堅定流???
不過今次呢個颱風和季候風一齊夾攻下，
下午又風又雨又開始凍，
我都懶得煮晚飯，
簡單煮咗韭菜餃子蝦子麵做晚餐，
食湯麵暖笠笠，
啱哂我呀!
燒完雞翼燥燥哋，
即刻煲番煲滋潤湯水飲下先得，
雪梨海底椰雪耳紅蘿蔔粟米煲豬腱湯，
有滋陰、潤肺、通便、健脾、清潤止咳等功效。
呢三年疫情和限聚令影響下，
真係好難得12個人一齊聚會呀!
我哋選擇咗嚟天水圍綠田園嚟燒嘢食，
由於有旅行團嘅關係，
所以都幾多人架!
我早一個星期已經Book定2個燒烤爐，
叫咗個8~9人套餐$1000+2人套餐$380，
我哋由中午11點半玩到晚上6點半，
呢度唔只有得燒嘢食，
仲有好多適合小朋友玩嘅活動遊戲呀!
