任務完成~鮮忌廉栗子蛋糕!

今日係中秋節，

呢幾年，

我哋一家人通常會約埋一齊燒嘢食應節架!

適逢姨甥就嚟生日，

等我整個蛋糕賀一賀佢啦!

芝士蛋糕整得多，

今次第一次整鮮忌廉栗子蛋糕，

唧花唧得好樣衰，
 

希望佢哋鐘意啦!

杏脯沙拉雞翼!

 

唔知點解，

天氣熱辣辣我就想食酸嘢啦o架!

今日整咗呢個沙拉雞翼，

加埋杏脯伴碟，

酸酸甜甜，

好醒胃啊!

熱氣，

唔怕啦!

我已經煲定涼茶o架啦!

(唔覺唔覺，呢個星期食咗好多餐雞呀!)
 

慳水慳力嘅迎月晚餐!

今晚係迎月夜，
大家有冇節目呀???
我就有個大任務要做啦!
希望成功啦!
係呢度，
雀后祝大家中秋人月倆團圓，
合家平安!
中秋節快樂呀!

今日唔煮飯~叫雞!

洛神花!

 

前幾日，

同事種咗好多洛神花，

攞咗一大袋返學校，

我都唔客氣咁攞咗少少返屋企，

其實都唔少有兩磅呀!

我煲咗一大煲俾大小魔怪飲，

佢哋話味道似利賓納，

酸酸甜甜，

雪凍飲都唔錯呀!

我將洛神花去核洗淨，

加水煲20分鐘左右，

加冰糖調味便成。

 

叉燒!

 

次次唔知食咩餸時，

我就會諗起佢架啦!

一次過焗咗幾條，

食剩放入雪櫃，

隨時食都得啦!

嗱，

唔好同我爭食叉燒頭呀!

 

娃娃菜肉卷!

上次做菜肉包整多咗餡料，

梗係唔好嘥啦，

用嚟整呢個娃娃菜肉卷就最啱啦!

山竹牛肉!

呢篇係打尖post嚟架!

因為噚日係蛋糕班度買多咗牛肉整咖哩酥皮牛肉角，

所以就做咗今日嘅山竹牛肉啦!

整呢個山竹牛肉真係唔可以對佢斯文架!

下下都要大大力撻和攪，

咁D牛肉先至滑，

真係攪到手軟架!

 

中式包包~冬菇菜肉包!

噚日，

响佳寶買咗包中筋粉，

係同事介紹我買架，

佢話D麵粉好靚喎，

於是買咗包返屋企試吓整中式包~冬菇菜肉包!

今次加咗娃娃菜落D餡料度，

好juice呀!

食時真係要小心，

唔係就燙親個櫻桃小咀啦!

 

 

 

材料: 中筋粉200g、依士2g、糖15g、暖水100g、油5g

做法: 依士、糖和暖水混合攪勻靜待15分鐘；

將依士水慢慢加入麵粉內搓勻，搓成粉糰後加油再搓至粉糰光滑；

將粉糰放入盆中加保鮮紙發酵20分鐘，

取出排氣壓平後，將粉糰平均分成8份滾圓靜待5分鐘；
把麵糰壓平成圓形，包入菜肉醃料，

慢慢將麵糰邊摺疊一起封口，並扭出封口面多餘粉糰，

放入蒸籠內進行最後發酵15分鐘；

凍水落鑊連菜肉包蒸20分鐘便成。

菜肉餡材料: 豬肉碎、娃娃菜、冬菇

醃料: 豉油、老抽、糖和鹽、麻油和水

做法: 冬菇浸軟切粒；娃娃菜灼熟後撈起，

揸乾水份後切碎，加入豬肉碎和調味醃15分鐘便成。

 

 

 

 

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page

蜜椒燒雞!

噚日母親大人食埋晚飯先走，

所以早一晚醃定隻雞焗俾佢食；

原來母親大人第一次見會轉嘅焗爐整燒雞，

佢話隻雞好嫩好滑仲好多汁添，

即係好味道啦!

我用咗牙籤固定D雞翼和雞髀位，

咁樣隻雞會轉得順D呀!

 

 

 

廿分鐘可以買到咩???

 

今日，

母親大人搵埋我一齊入流浮山行一轉，

老公仲專登揸架砵砵車車我哋兩個入去，

真係唔話得囉!

我哋用咗廿分鐘，

咁就洗咗$1860，

妳哋話女人錢幾好搵呢!