印尼沙爹雞配木薯片!

今日買咗包印尼木薯片，

細細塊，

啱哂我一啖一塊呀!

雖然要開油鑊炸，

我唔係用好多油，

D油炸完用嚟炒個薑米炒飯就啱啱好啦!

配埋個印尼沙爹雞，

絕配呀!

 

花膠淮山杞子圓肉紅棗雞腳豬展湯!

好消息!

祈祈B B 終於出院啦!

除尿道炎外，

佢仲出埋玫瑰疹，

所以咁多日以嚟佢都係發高燒；

依家祈祈BB已經回家休息，

最攪笑係當佢午睡時，

指住天花板話要睇電視呀!

 

膽粗粗畫國畫!

 

依家每逢星期五，

我哋老師都會留校學畫國畫1小時，

雖然自知天份和資質都唔高，

但經國畫老師指導後，

我越畫越感興趣呀!

提提大家，

我畫嘅畫只可以遠觀，

而不可近望架!

祈祈BB的近況!

 

祈祈BB入院已經踏入第四日啦!

醫生確診她是大腸桿菌引致尿道炎，

好彩細菌不是太惡不難殺死，

所以醫生之前為祈祈BB打抗生素是對的；

不過祈祈BB此終未有退燒，

每日傍晚就開始燒38-39度左右，

妹妹和妹夫都非常擔心啊!

噚日，

我去醫院探祈祈BB時，

當時佢未有發燒，

所以特別精靈呀!

西餅蛋糕製作精選實習班(第一堂)~cup cake!

 

噚日開始，

每逢星期二我又要返學啦!

今次係跟另一個亞sir學整西餅蛋糕，

我唔係好習慣咁正正經經上堂嘅日子囉!

第一堂學整~雲呢拿、香橙、櫻花籽cup cake!

雜菜雙丸煲&生炒糯米飯!

 

呢個生炒糯米飯，

本來係星期日炒俾母親大人佢哋食架!

樣樣都準備好哂，

點知母親大人攞咗D擺咗好耐嘅糯米出嚟，

唔靚呀!

(睇番仲有蟲蟲添!)

我惟有攞番D材料返屋企，

益哂大小魔怪食啦!

唔知係咪大魔怪肚餓呢???

佢竟然賞面食咗2大碗呀!

 (平時佢唔食架!)

姐夫真係唔好意思，

又一次引死你添!
 

 

又嚟8兩重大閘蟹宴啦!

 

再接再厲~牛奶方包!

經過上次整嘅全麥亞麻籽牛奶方包，

最後發酵唔夠時間，

所以個包發得唔夠高身；

噚晚我又嚟整過，

今次足足發酵咗30分鐘以上，

應該會靚仔少少啦掛!

唔抵得個包咁新鮮，

即刻整番個超級奶醬多士嘆下先得!

 

蒜香南乳焗雞翼!

 

大小魔怪鐘意食雞翼人人都知，

不過我唔想佢哋食得太多，

所以依家一星期食一次左右啦!
 

女人唔補好易老~鮑汁蠔皇花膠冬菇炆鴨腳！

 

上次去流浮山買咗包花膠粒，

我本來都唔識買架，

點知有班師奶專登入嚟大量入貨，

見咁多人買，

我梗係要問下班師奶買嚟做咩啦???

佢哋話呢D係花膠粒，

同花膠功效一樣，

不過價錢用市區爭一截啦!

佢哋入親嚟都會大量入貨，

仲話用嚟煲湯和炆都好好食架!

見有筍嘢我緊係唔執輸買番包啦!