亞仔請嘅工人姐姐講咗個超級大話，
話自己母親因病折肢了，
想辭職照顧母親，
新抱仔平時見工人姐姐好盡責湊BB，
好想留佢，
俾咗2星期假期佢安排人手照顧母親，
佢滿心歡喜的聲稱已經在家鄉搵到人幫手，
返去菲律賓送母親返鄉下居住，
新抱仔買埋來回機票俾佢，
一心等佢2星期後回來，
所以呢兩星期我和親家奶奶夾手夾腳一齊照顧BB；
咁啱菲律賓有大地震，
我哋都聯絡唔到佢，
大家都好擔心；
16日是工人姐姐回程日，
新抱仔check到佢冇上飛機，
又在信箱發現工人姐姐嘅借貸信件，
最離譜係原來工人姐姐係5月中，
已經寫信去入境處單方面終止僱傭合約，
激到新抱仔好嬲，
佢即刻打電話去財務公司，
send埋封終止僱傭合約俾佢哋，
唔想收騷擾信；
又寫咗封email俾入境處，
詳細匯報工人姐姐情況，
和了解香港僱主有冇咩權利和保障，
我哋都知道投訴係冇咩作用，
但絕對不能姑息和助長呢類自己斷約嘅工人姐姐，
繼續留港害其他僱主家庭呀!
網上有好多關於請工人姐姐嘅群組，
原來呢類自己斷約嘅工人姐姐太多太多，
各種理由都有，
真係令人咋舌。
新抱仔對請新工人姐姐已經好抗拒，
現在我和親家奶奶兩個人一齊湊BB，
呢個都唔係長遠辦法，
大家要從長計議，
搵個最好嘅辦法呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!