冬瓜粒海鮮湯

唔知係咪小魔怪好耐冇飲過有肉嘅湯水呢???

今日我煮呢個冬瓜粒海鮮湯，

佢大讚超正，

仲飲咗兩大碗添呀!

亞仔，

我用咁多料嚟煮呢個海鮮湯，

肯定正啦!

材料: 冬瓜1斤半、冬菇8隻、雞扒1塊、瑤柱碎1湯匙、

急凍海鮮(蟹肉、蝦仁、魷魚、蜆肉)、薑片、清雞湯1公升

醃料: 豉油、糖、生粉、麻油各小許

做法: 冬瓜去皮切粒；冬菇浸軟去蒂切粒；

雞扒去皮切粒，落醃料醃15分鐘；

瑤柱浸軟備用；急凍海鮮解凍後，出水備用；

將1公升清雞湯和1碗水放入鍋內煲滾，

落冬菇、瑤柱碎、雞粒和薑片先滾15分鐘，

加入冬瓜粒煲多15分鐘，再落埋急凍海鮮煮至翻滾後便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page