日式味噌薯仔炆排骨

近排好鐘意用味噌嚟煮餸，

上次用咗嚟炆雞翼，

今就用佢嚟炆排骨喇!

落咗薯仔、甘筍和洋蔥一齊煮，

煮到個薯仔和洋蔥都溶溶哋，

加埋D味噌汁撈飯，

哈哈，

今次仲唔添多幾碗飯。

素飯盒(5)

其實大魔怪食得好簡單，

佢又唔係咁鐘意食飯，

所以近排嘅素飯盒多數都係炒菜。

黑椒香草焗雞扒

好鐘意用個焗爐嚟焗雞扒，

簡單方便又易整，

仲將D雞油焗哂出嚟架!

菜乾羅漢果甘筍粟米瘦肉湯

昨晚煲嘅湯係菜乾羅漢果甘筍粟米瘦肉湯，

最啱呢個乾燥天氣飲架喇!

今次重手落咗成個羅漢果一齊煲，

啖湯甘甘甜甜，

真係好潤喉架!

老公生日晚餐

今日係老公舊曆生日，

緊係要賀一賀佢啦!

煲啖靚湯，

斬料加餸，

開埋罐鮑魚(cheap cheap的)，

至於生日蛋糕呢，

緊係唔少得啦!

蕃茄洋蔥燴豬扒

今日又買咗幾塊新鮮又靚靚嘅飛排，

用嚟做豬扒就最啱啦!

考慮緊整洋蔥豬扒好定蕃茄豬扒好???

最後決定兩樣都整，

變成蕃茄洋蔥燴豬扒喇!

豆豉鯪魚炒油麥菜

隨住豆豉鯪魚越賣越貴，

我真係起碼有2~3年冇食過豆豉鯪魚炒油麥菜啦!

見油麥菜呢排做緊特價賣$8有2斤，

所以呢個家常小菜又出爐啦!

老翻~B仔雞翼&雞翼尖

B仔雞翼尖，

大家都應該食過架啦!

小魔怪同佢女朋友仔就食過幾次，

不過次次都食到到喉唔到肺，

佢話要我整俾佢哋食喎!

剩食雞翼尖唔係好健康，

所以我用咗雞全翼，

有雞翼、雞膇和雞翼尖，

咁就好食好多啦!

拿，

話明係老翻架，

呢個味道緊係冇原裝咁重口味啦!

又嚟家常便飯喇!

今日係復活節假期嘅最後一日，

中午果餐走咗去飲茶，

晚餐就緊係唔可以再偷懶，

自己煮啦!

雪菜肉絲炆烏冬

假期冇咩煮意添!

唯有煮一大碟雪菜肉絲炆烏冬，

簡簡單單食飽就算囉!