唔知係咪凍親，
我噚晚開始流鼻水和咳，
仲有少少喉嚨痛添，
所以今朝拿拿臨去睇醫生，
食咗藥大昏迷，
瞓醒又要煮飯呀!
10月28日星期二
今日我和老公係羅湖，
搭3點40分大巴返惠州，
因為我哋明天要去睇裝修和買裝修材料呀!
返到屋苑樓下食埋晚餐先返屋企。
今日細仔WFH，
見佢晚晚都好夜返，
好少飲湯水，
所以煲咗花旗參石斛麥冬煲豬腱，
配埋黨參、玉竹、圓肉、蓮子和百合，
呢個湯有清熱生津、滋陰潤肺、補氣養陰等功效，
噚日襯星期六，
我哋一家連同大伯、大伯娘和姑奶，
齊齊返元朗牛潭渼舊屋拜山，
由於政府係附近有工程進行，
以前我哋要行斜坡上山，
依家有鐵樓梯就可以輕鬆上去喇!
不過遲下成條村都會被政府徵收做大學城，
舊屋和祖墳都應該會拆遷，
到時都唔知去邊度拜山呀!
我呢排真係好鬼懶，
冇咩心情去諗煮咩食，
摷下雪櫃有咩料就煮咩餸，
雞蛋、雞翼和榨菜絲係雪櫃常備物資嚟，
仲唔係就買盒兩餸飯，
咁就煮都唔使煮啦!
今日下午我住果座洗水箱，
所以停水停咗4個小時，
攪到5點幾先有水呀!
有水都唔可以即刻用，
因為D水會比較污濁，
所以我冇煮飯，
只炒咗碟粉絲做晚餐。
噚日响惠州返嚟之後，
老公話想飲湯，
摷下雪櫃有咩材料先得；
冰箱有D醃咸咗嘅豬腱，
加埋其他藥材，
煲咗呢個沙參玉竹蓮子百合淮山煲豬腱。
10月19日星期日
我、老公和姑奶3個人齊齊返惠州，
中午約咗朋友帶我哋去食農家菜，
呢度第一次嚟，
聽講話晚上好火爆，
一定要訂位先食到呀!
呢餐朋友請，
唔知幾多錢。
朱小B真係好似大仔細個架，
簡直一個餅印架；
近日佢開始落街曬太陽，
好多公公婆婆都話佢起碼有3個月大，
以一個出世38日嘅BB嚟講，
佢算大隻，
仲好多肉添架!
呢排好似食得好多咁，
所以今晚就整咗呢個芥菜排骨鍋，
只係用咗唐排、蝦乾和瑤柱去煮湯，
落埋少少鹽和胡椒去調味，
越清啖越好呀!
今日我和老公去做義工，
本區民生會舉辦國慶中秋長者茶聚，
每位老人家$50，
有得食、有得玩、有嘉賓唱歌，
仲有得抽獎添!
我負責核對所有抽獎獎劵號碼，
責任重大，
一定唔可以錯呀!
襯有嘉賓唱歌表演，
我哋班義工就快食少少嘢，
之後又要繼續做嘢喇!
噚日我住果座停水停電，
最快中午2點先有水電，
不過好彩仲有1部電梯上落，
响屋企咁悶熱，
都係落會所hea下，
睇下報紙，
捱到1點去食午餐，
我和老公都想食粉麵，
所以去咗金銘食牛腩麵和牛什米，
加埋支豆漿$88。
之後去咗日本城買辛辣麵，
較啱時間2點返到屋企，
有水有電，
開得冷氣啦!
好爽呀!
朱小B已經滿月啦!
噚日我哋兩家人齊齊出外食飯慶祝，
遲下百日宴先邀請親戚朋友呀!
我哋揀咗大埔小白鷺金鷺湖食午飯，
呢餐食咗$2540，
食物好精緻，
我哋個7位大人，
點心可以點7粒，
餐廳相當細心和有靈活性。
今日伯伯、伯娘、姑奶、外甥女一家，
齊齊去探朱小B和食薑醋，
朱小B全日都好抵打，
冇扭計又肯俾人抱，
間唔中仲笑笑口添；
老公和小魔怪第一次抱BB，
佢話好得意呀!
今日母親大人、我和老公，
齊齊去我屋苑會所飲茶，
11:45分前落單有優惠；
我哋3個人，
叫咗7個點心，
總共食咗$178，
都幾抵食喎!
今日朱小B滿月，
母親大人專登買咗隻銀鐲仔送俾朱小B，
祝佢快高長大!
身體健康!
今日買咗扎超嫩嘅韭菜花$10，
完成冇渣，
好爽脆呀!
噚日中秋補假，
我和老公又去咗探朱小B喇!
順便又買咗2隻豬腳去煲薑醋；
睇見朱小B越來越肥嘟嘟，
真係好想咬佢一啖架!
我哋見仲有排先食晚飯，
打咗8圈麻雀，
朱小B唔怕嘈，
仲瞓得好冧添呀!
晚餐由工人姐姐煮，
好豐富架!
今日中秋節，
我祝大家中秋節快樂，
人月兩團圓，
事事順利，
身體健康!
晚餐煲咗菜乾陳腎紅蘿蔔粟米湯，
支竹炆火腩、蒸珍珠立魚、燒雞和炒菜芯。
今日大伯大伯娘結婚週年晚宴，
祝大伯大伯娘幸福美滿，
恩愛如初，
百年好合。
10月3日星期五
我和老公兩個人返咗惠州，
因為驚內地塞車，
所以7點左右就出發去蓮塘口岸，
好彩仲有時間俾我哋食咗個早餐，
準備上咗9點半嘅永東巴士去惠州，
但等其他乘客嘅關係，
都係要9點45分先開車呀!
噚日係十一國慶假期，
母親大人、姐姐一家和妹妹一家共7人，
齊齊入大埔探朱小B，
本來我哋唔係噚日過去的，
大仔過一齊過嚟開心D喎!
就係咁，
我哋又過埋去大埔一齊食薑醋喇!
