荷葉冬菇魚肚蒸雞!

 

上次買咗一塊荷葉，

 

用咗少半塊嚟整金針雲耳紅棗蒸雞，

 

剩番大半塊諗咗好耐都唔知道整咩好，

 

見屋企仲有魚肚剩，

 

嘻嘻!得咗!諗到煮咩啦!

 

食宵夜啦~五香肉丁炒丁(出前一丁)

 

唔知道小魔怪係咪生積，

 

佢一係唔食，一係食極都話唔飽；

 

好似今日一開飯佢話食咗嘢唔食飯啦!

 

點知道8點幾佢話肚餓，

 

要食宵夜喎!

 

唉!我又要起身整俾佢食啦!

 

嘻嘻!我又忍唔住食咗2碗添!

 

醬烤雞翼!

 

今日下午放工後，

 

我要同大魔怪買夏季校服呀!

 

原來我都幾大懵，

 

大魔怪D校服已經著咗3年，

 

褲吊腳、衫已經穿不上了，

 

哈哈!我這個做媽媽的要打pat pat呀!

 

兩套裇衫、兩條白色長褲加皮帶一條要$320。

 

醬烤雞翼

 

 

材料: 雞全翼8隻

 

醃料: 叉燒醬2大湯匙、海鮮醬1大湯匙、豉油、老抽、紹酒和麻油

 

做法: 用醃料醃雞全翼(斬件)；預熱焗爐200度15分鐘；

 

入爐焗40分鐘左右，平均每面焗20分鐘呀!

 

焗至金黃色或表面有少少燶便可。

 

(記得要睇睇自己焗爐的火力大細而調節呀!)

 

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

孜然羊架!

小魔怪成日都叫我煮羊架，

最衰係大魔怪唔鐘意食羊，

就得一個另一個又唔鐘意，

好煩呀!
 

 

孜然羊架

 

材料: 羊架4件

 

醃料: 孜然粉、鹽、老抽、黑椒碎、麻油

 

做法: 用醃料醃羊架2小時：預熱焗爐200度15分鐘，

 

焗羊架30分鐘，每15分鐘反轉焗另一面。

 

 

 

 荷葉金針雲耳紅棗蒸雞

 

 

材料: 荷葉半塊、冰鮮雞一隻、雲耳、金針和紅棗8粒

 

醃料: 豉油、老抽、糖、粟粉、麻油和紹酒

 

做法: 雞斬件備用；雲耳浸軟去硬部份；金針浸軟去硬部份後打結；

 

將雞、雲耳、金針和紅棗用醃料醃2小時；

 

將醃好的雞放入洗淨荷葉內連砵一齊蒸40分鐘便成。 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

 

香菇肉燥!

 

今日我整咗一大鍋香菇肉燥。

 

呢鍋肉燥簡單又易整，

 

好方便o架!

 

總之煮完待涼放入雪櫃，

 

要食時攞出嚟叮熱或加入餸菜裡面煮；

 

仲可以用嚟整好多餸，

 

如肉燥豆腐、盤龍茄子、肉燥四季豆等，

 

鐘意點食都得。

 

小魔怪一聞到就已經話好香呀!

 

食落話好似學校附近餐廳食過嘅味道添，

 

佢仲食咗2碗飯呢!

卡邦尼三色螺絲粉!

 

我第一次用呢隻卡邦尼醬煮三色螺絲粉，
雖然整得唔係好正宗意大利菜，
不過睇樣都唔錯吖，
食落味道又幾好喎!
配埋雜菜湯，
今日都算係食西餐呀!

合唔合格?

 

今日呢餐晚餐，
全部由工人姐姐一手一腳煮的；
昨晚我攞咗印有印尼文嘅食譜，
揀咗兩個簡單的餸菜，
等佢可以由買、洗、煮一腳踢，
煮成點，
大家睇吓咪知道囉!

沙茶牛肉炒芥蘭!

 

每次炒親芥蘭，

 

大小魔怪都唔肯食，

 

因為佢哋成日話D芥蘭有苦味喎!

 

我已經落咗薑汁紹酒糖嚟炒，

 

唔通要用片糖出水先夠甜咩!

 

今日我加咗D牛肉落去炒，

 

唔知啱唔啱佢哋口味呢???

 

 

廣州之旅~手信篇

 

今次去廣州我諗住唔買手信o架!
因為去潮州汕頭時已經買咗好多嘢食，
不過見陶陶居裡餅店好多人買手信，
自己又忍唔住手啦!
至於兩包好似炸薯條嘅蕃薯條和蔬果乾，
就係直通車站買o架!

廣州之旅(VI)~鴻星海鮮酒家

 

臨回香港之前，
我們要到廣州一德路買手工材料，
不過最梗係要醫肚先啦~鴻星海鮮酒家!
响廣州食嘅每一餐都各有特色，
有些菜式烹調水準還高過香港呢!

廣州之旅(V)~白天鵝賓館自助早餐

 

雖然呢次廣州之旅只係2日1夜，
不過我哋都食咗唔少好嘢；
而且我都好耐冇食過咁豐富嘅自助早餐啦!
尤其我好欣賞呢個牛角酥呀!

廣州之旅(IV)~陶陶居及南信

 

我們逛完上下九步行街，
便周圍搵嘢食醫肚啦!
嘻嘻!我哋梗係要試試正宗廣州菜啦!
所以揀咗呢間~陶陶居!

廣州之旅(III)~上下九廣場

 

4月8日下午6點左右，
我們參觀完第二間幼稚園後，
便到廣州出名的上下九步行街遊覽。
這裡是購物飲食天堂，
想買嘢食嘢呢度有好多選擇呀!
沿途建築物充滿懷舊特色，
好似身在60年代似的。

藍莓鬆餅!

我用咗懶人嘅做法，
買咗包現成嘅鬆餅粉，
加埋半盒鮮奶，
輕輕攪勻佢，
用180度焗25分鐘，
咁就整咗呢個藍莓鬆餅。
嘻嘻!因為下午茶3點3就嚟到啦!

廣州之旅(I)~白天鵝賓館

 

今次上廣州最大目的是參觀3間當地出名國營幼稚園，
了解她們教育理念是否與香港有不同，
並主要欣賞國內幼教老師們的美藝創作；
原來國內與香港的幼稚園並沒有太大的分別，
不過她們環境大、設備完善、老師人手充足，
全部教學目的是以兒童為中心，
令我們幼教老師們大開眼界，
獲益良多啊!


由於我們需要參觀3間幼稚園，
所以逗留廣州1晚，
入住著名的白天鵝賓館。

安慰！

 

諗諗吓，我都有成5日冇煮飯囉!

 

昨日當我返到屋企時，

 

啱啱大小魔怪食緊飯，

 

小魔怪好細聲咁同我講:

 

媽咪，我唔想食雞翼啦!

 

呢幾日食雞翼食到厭哂呀!

 

哈哈!佢哋依家先知道我呢個做媽咪偉大呢!

 

日日都諗D唔同嘅餸俾佢哋食，

 

竟然仲成日話我整得唔好味道，

 

依家見佢哋有少少掛住我D嘢食，

 

我都有少少安慰囉!

 

潮州之旅~第二日晚餐及第三日

 

呢餐晚餐原本是自費的，
但中國導遊話加多150人民幣，
便能增加一餐宵夜、坐三輛車和呢餐潮州十八碟晚餐，
唉!衰在大家信導遊會帶我們會去食好嘢，
所以咪入咗呢個陷阱囉!
呢餐一點也不好吃，
有少少被騙的感覺啊!

潮汕之旅～宵夜、早餐和酒店

 

去旅行大家梗係想食好住好啦!
不過有時都幾難求囉!
旅行中第二日晚餐係唔包嘅，
中國導遊提議我們加多150蚊人民幣，
就可加多一些活動，
如第一日宵夜、第二日坐三輪車遊潮州湘子橋，
還有第二日的晚餐~潮州十八小碟等，
我們一行7人加埋都成千蚊，
諗落好唔抵o架!
不過見個中國導遊睇著我哋，
唯有參加啦!
最後都有2位團友唔參加。
是夜宵夜竟然係呢次旅行食得最最最滿意的一餐呀!
潮州牛丸和魚蛋好鬼好味道，
好彈牙呀!
個沙茶醬牛肉好惹味呀!
仲有個煎蠔餅和鹽水豆腐整得非常出色添!

潮汕之旅~第一天(晚餐篇)

 

參觀完巨峰寺之後，
又到晚餐時間，
今次我們到潮州菜館吃晚餐。
又一餐冇咩肉食，
對食慣肉類嘅我，
好辛苦呀!

潮汕之旅~第一天巨峰寺

 

潮州汕頭裡有很多不同的寺廟，
今次我們到巨峰寺參觀。

潮汕之旅~第一天(午餐篇)

 

往汕頭5-6個鐘車程中途，
我哋到達后門泰源酒家吃午飯!
呢餐超麻麻，
尤其隻雞好唔掂囉!
最好味道嘅竟然係菜脯炒蛋和煎咸魚仔呀!

潮汕之旅~第一天明安里

 

今次3曰2夜潮汕之旅是參加中國旅行社主辦的，
全團得13人，
都係啱啱成團咋!
由香港到汕頭要坐成5-6個鐘，
雖然我哋坐架細車，
不過都幾舒服!
由於呢幾日係清明時節，
特別多人往鄉間祭祖，
回程路都幾塞車呀!
故原本安排的3日行程會縮短為2日，
最尾個日要預早回深圳，
因為驚塞車。

潮汕之旅~手信篇

 

我返咗嚟香港啦!
不過明天我又要和同事一齊上廣州，
今次我們去廣州目的是觀摩3間幼稚園，
希望能提昇我們教學質素啊!
唔講咁多啦!
俾大家睇吓我去潮汕時所買嘅手信啦!
嘻嘻!全部都係嘢食嚟o架!
今次真係攞到我手都軟埋呀!

燒!燒!燒味!

 

昨日我打了一整天電話，
想問問旅行社星期一出發的潮汕之旅是否成團，
雖然成團的機會有100%，
但大家都想肯定D嘛!
可惜熱線電話一直都未有人接聽，
激死人啦!
今早姐姐再接再厲繼續打電話熱線，
終於接通並通知成團了，
我要開始收拾日用品啦!