豉汁煎釀尖椒

1蚊雞人民幣可以買到咩???

我係惠州就用咗1蚊雞買咗10隻尖椒返嚟啦!

抵到你唔信呀!

老公話要食釀尖椒，

其實可以釀魚肉，

不過老公唔多like食魚肉，

所以今次整咗豬肉蝦米冬菇餡呀!

返鄉下飲飲食食

噚日星期六，

姑奶、老公和我齊齊返惠州，

去到惠州都已經成12點半，

約咗朋友仔一齊食午餐!

又係嚟呢度飲冬瓜水鴨湯。

日式炸雞翼

每次去日本，

我哋都勁鐘意行日本超市，

因為實會買到好多啱哂我呢個懶人煮婦用嘅嘢架!

今次就買咗呢包日清出嘅炸雞粉喇!

超方便，

唔使預先醃，

廿分鐘就有炸雞食，

係咪好正呢!

雜菜豆腐粉絲煲

呢排好多時都係2個人食飯，

買斤菜返嚟又唔想日日都係食同一款菜，

所以間中都會儲到2~3款蔬菜係雪櫃架!

今日整呢個雜菜豆腐粉絲煲，

就係用咗剩咗嘅菜而煮成的。

雪梨乾山楂甜菊葉水

今日煲咗一大鍋雪梨乾山楂甜菊葉水，

冷飲熱飲都得架!

雪梨乾有清熱潤肺、止咳化痰等功效，

比新鮮雪梨潤而不寒；

山楂有活血散瘀、降血糖和消脂等功效；

甜菊葉就有降底血糖、消除疲勞、減肥養顏等功效。

提提大家，

呢個雪梨乾山楂甜菊葉水，

如有胃酸過多或孕婦(山楂有增強子宮收縮功效)，

都不宜飲用架!

蔥頭雞

客家人食雞有個習慣，

鐘意將紅蔥頭(乾蔥頭)切片後，

贊滾油(花生油)再加豉油，

用嚟點雞食，

有時屋企用哂薑冇得整薑蓉時，

我都會整呢個蔥頭雞，

雞肉吸收哂乾蔥頭嘅香味，

食落別有一番風味架!

蝦醬蒸腩肉

蝦醬蒸腩肉，

一定要買半肥瘦肉先好食，

今次就用咗有皮腩肉，

蒸出嚟嘅腩肉好脆口，

食落一D都唔覺肥膩呀!

行山篇~山頂

今日約埋老公舊同學一行十人，

襯天氣仲係涼涼哋，

齊齊行山啦喂!

今次目的地係山頂，

上山頂唔一定搭纜車，

搭巴士都得架!

玩嘢，菜脯蛋卷

菜脯煎蛋就食得多，

今日攪攪新意思，

唔煎蛋餅改煎成蛋卷，

轉轉新形象呀!

天水圍新北江~餃子館

我都話新北江好多好嘢食架啦!

呢間餃子館係其中一間嚟架!

佢哋嘅餃子大大粒外，

而且個湯底又濃又好味，

最重要佢哋嘅菜脯好惹味添架!

我剩係食咗8粒餃子已經好鬼飽，

小魔怪仲加個幼上海麵，

真真大食呀!

韭菜豬肉餃$36+白菜豬肉餃上海麵$43+麻辣豬耳$27，

總共$106呀!