唔經唔覺，
今日係我和老公結婚26週年，
連同姑奶和小魔怪，
晚餐選擇出外食呀!
祈祈原本係呢個月18號生日，
襯今日去妹妹家拜年，
一於齊齊慶祝埋祈祈8歲生日呀!
我整咗拿手嘅咖哩豬皮蘿蔔魚蛋，
其實食物叫外賣呀!
近呢廿年每年年初三，
大伯大伯娘、姑奶、老公和我，
都會返惠州過年，
我哋好鐘意回鄉過年嘅氣氛，
一大班親戚朋友圍埋一齊食下家鄉美食，
又想下當年，
好溫馨架!
好開心返到屋企，
堂弟婦已經幫我哋打掃好間屋，
又攞咗好多水果俾我哋食呀!
噚日中午去咗姨媽度拜年後，
母親大人和我哋姐妹幾家人一齊上咗姐姐屋企拜年呀!
晚餐由姐姐和姐夫煮理，
9餸1湯，
好豐富呀!
今日係大年初二，
簡單食過開年飯後，
又要出外拜年喇!
今日大年初一，
我祝大家身體健康，
龍馬精神，
心想事成，
萬事如意!
朱家傳統以來初一係食全日齋，
嘻嘻，
啱哂大魔怪口味呀!
簡單4餸1湯，
食飽飽後就要去大伯家拜年喇!
今日係年三十晚大除夕，
晚餐真係好簡單，
食番噚晚團年嘅舊餸外，
仲煎咗幾件蘿蔔糕食添呀!
今年呢餐團年飯好齊人，
母親大人、姐姐一家和姐姐一家加埋我哋一共11人，
齊齊聚埋我屋企團年呀!
9餸1湯，
白飯任裝，
開飯啦!
一年一度朱家蘿蔔糕又出爐啦!
今年又係同往年一樣，
買咗6斤蘿蔔
去頭去皮後啱啱好5斤半左右，
整咗3個唔同大小嘅蘿蔔糕呀!
今日買咗幾條蘿蔔嚟整蘿蔔糕，
見買多咗少少，
所以攞咗嚟炆咗個排骨煲食喇!
