唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
噚日見有時間就執下個廚櫃，
竟然俾我摷到有3樽叉燒醬存貨，
好彩係全部都係2027年尾先過期，
我拿拿臨用佢嚟醃雞翼，
整碟氣炸蜜味叉燒醬雞翼嘆下先得。
今餐兩個人食3個餸，
榨菜蒸豬肉片、蕃茄蛋和白灼西蘭花，
幾個都係家常菜，
緊有一款啱大家食啦!
蒸肉餅，
我最鐘意就係加馬蹄和魷魚乾落去一齊蒸架喇!
食落爽口又鮮味，
肉餅要半肥瘦先夠滑，
好送飯呀!
每次諗唔到煮咩餸，
我都會煮呢碟黑椒洋蔥豬扒，
因為簡單囉，
黑椒汁又好餸飯，
簡直係朱家家常菜之一呀!
今日細仔和老公都係屋企，
所以又係時候煲老火湯喇!
節瓜眉豆花生鱆魚煲西施骨，
有清熱解暑、健脾祛濕和強健筋骨等功效。(AI資料)
今日去肉檔買咗條五花腩肉，
叫肉佬幫我起埋塊豬皮，
腩肉都幾厚身，
有肥有瘦，
底部仲有少少軟骨添，
分開切咗佢出嚟一齊炆，
炆出嚟腩肉就唔使咁大件喇!
今朝細仔WFH，
老公就約咗朋友飲茶，
我懶得煮午餐，
細仔話叫外賣~芙蓉德好味手撕雞，
手撕雞冷麵$42，
1盒小辣1盒唔辣，
仲有涼鞋小食$85~雞腎、豬耳和豬大腸，
原價$169，
加平台費$4.2，
但有優惠減$42.2，
呢餐總共$131。
亞仔話叫foodpanda平過keeta。
今日煮咗個好送飯嘅餸~魚香茄子，
加咗梅香咸魚，
呢個餸特別惹味呀!
老公又要添飯喇!
雪櫃仲有半盒叉燒，
今日就買咗半斤青豆角返嚟，
攞咗少少豆角切粒粒，
整咗呢碟豆角叉燒炒蛋，
細仔話好耐冇食，
正呀喂!
