留家抗疫~第二日

留家抗疫~第二日，

大魔怪噚日話想食雞尾包，

今朝我買咗3款麵包等佢揀，

雞尾包、菠蘿包和朱古力包$20有4個，

檸檬$10有3個，

都唔平呀!

我嘅早餐係車仔麵，

超邪惡，

唔可以成日食呀!

今日唔知係咪心理作用，

喉嚨有少少痕癢，

仲有D咳添，

希望冇事啦!

午餐煮咗一大鍋牛肉通心粉，

多到連晚餐都要食佢呀!

煎隻蛋兼炒多碟花菜肉片，

晚餐又攪掂。

今日黃昏收到政府派俾確診者嘅抗疫物資，

有口罩、探熱針、檢測捧、蓮花清瘟和大陸版退燒藥，

聽人講大陸版退燒藥好掂，

未試，

因為大魔怪已經退燒，

但喉嚨仍然好痛有咳有痰，

冇胃口食嘢，

我沖咗蜜糖水和檸檬水俾佢舒緩下，

依家大魔怪食緊退燒藥(有需要先食)、消炎藥和得果定喉片，

年青人反應強烈少少，

應該要捱多幾日先會好呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page