白汁蘑菇雞絲意大利寬麵

 

今日午餐食白汁蘑菇雞絲意大利寬麵，

煮咗一大鍋，

我哋一家四口子竟然食得哂，

哈哈，

可見我哋真係好大食，

不過唔包括我，

其實我好細食架!

材料: 雞扒1塊、意大利寬麵350g、白、啡蘑菇$10、西蘭花1個、

忌廉蘑菇湯1罐、鹽、黑胡椒碎、芝士粉

醃料: 豉油半湯匙、鹽少許、糖少許、生粉少許、麻油

做法: 意大利寬麵按包裝指示煮寬麵軟身後隔水備用(留部份煮寬麵水)；

雞扒解凍後去皮切絲，落醃料醃30分鐘；

西蘭花灼熟備用；蘑菇用濕布抹表面後切片；

燒熱鑊落油，炒雞絲和蘑菇炒至8成熟後，

加入忌廉蘑菇湯和適量煮寬麵水煮滾，

落寬麵和西蘭花煮至翻滾後，按個人口味落鹽調味，

最後上碟後灑上黑胡椒碎和芝士粉便成。

  

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page