愉景灣至梅窩

今日我和老公約埋大伯大伯娘和姑奶，

一行5人由愉景灣出法行去梅窩；

我哋由天水圍出發，

搭屯馬線去南昌，

轉迪士尼線去欣澳站外搭巴士DB03R去愉景灣巴士總站落車。

我哋冇去白色教堂，

只去咗聖母神學院果邊，

慢慢沿海邊行，

行斜路上山，

再落千級樓梯到梅窩銀礦灣泳灘，

我哋全程行咗3個小時呀!

一場嚟到梅窩，

梗係要去食海鮮啦!

白灼蝦、椒鹽鮮魷、蝦醬炒飯、炒時菜、羊腩煲、例湯(送嘅)和啤酒，

呢餐姑奶請食飯，

食咗約$870。

之後我哋搭船返中環，

再轉巴士返屋企呀!

爭D漏咗講，

我係愉景灣公公農莊買咗少少有機菜做手信呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page