南乳蓮藕炆腩排

 

雪櫃仲有幾磚南乳係度，

拿拿臨買咗個有泥嘅粉藕，

炆咗一大鍋南乳蓮藕炆排骨，

加埋我至愛嘅豆腐卜和支竹，

呢個餸超級好送飯，

係大小魔怪至愛餸菜之一嚟架!

材料: 蓮藕2節、腩排$70、豆腐卜$5、支竹3條、薑4片、紹酒1湯匙

醃料: 豉油1湯匙、鹽1茶匙、糖1茶匙、生粉1茶匙

調味: 南乳4小塊、冰糖適量、老抽適量、豉油1湯匙

做法: 腩排洗淨後，落醃料醃30分鐘；蓮藕去皮滾刀切件；

豆腐卜沖水後剪半；支竹浸軟剪段；南乳落少許紹酒搓勻；

燒熱油鑊，落薑片和腩排略煎兩面後，加入南乳醬快炒數十下後贊紹酒，

落蓮藕、冰糖和熱水3~4碗，用大火煮滾後，

再轉中細火炆30分鐘，落埋支竹和豆腐卜炆多15分鐘，

最後加少許老抽調色和生粉水埋芡汁便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page