瑤柱腿蓉燴旺菜

記得上次用咗8粒瑤柱嚟整碟瑤柱腿蓉燴旺菜，

老公話好好食但好敗家囉!

今次就用咗2粒瑤柱嚟煮，

而且冇落清雞湯煮菜，

唔知仲好唔好味呢???

 材料: 旺菜1個、瑤柱2粒、雲腿適量、薑3片

調味: 老抽少許(調色)、生粉水

做法: 將旺菜切去菜頭，清洗乾淨後撈起備用；

雲腿沖水備用；瑤柱浸15分鐘；

將瑤柱(連水)和雲腿放入熱水鍋內蒸15分鐘至軟身後，

瑤柱拆絲，雲腿切碎；燒熱鑊落油，加入旺菜和薑片炒勻，

加1.5碗水煮至旺菜淋身後盛起隔水備用；

將灼菜水、瑤柱絲和雲腿碎放入小鍋內煮滾後，

落少許糖和生粉水埋芡汁，最後將瑤柱腿蓉汁淋在旺菜面便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page