德國咸豬手兩食

 

响759亞信屋買咗隻德國咸豬手，

今日就用佢嚟整德國咸豬手兩食，

黑椒洋蔥炆咸豬手&蕃茄薯仔甘筍煲咸豬手，

今次老公話好煮意喎!

有湯飲又有咸豬手肉食，

正呀!

材料: 咸豬手1隻、蕃茄3個、薯仔2個、甘筍1條、洋蔥1個(大)、蒜蓉

調味: 黑椒醬2.5湯匙、蠔油1湯匙、老抽適量、糖2.5茶匙、黑椒碎適量

做法: 將咸豬手解凍，放入鍋內加水煮滾出水8分鐘後沖洗乾淨備用；

蕃茄切件；薯仔和甘筍去皮切件；洋蔥去皮切絲；

燒熱8碗水，加入蕃茄、薯仔、甘筍和咸豬手煮滾，

轉小火慢慢煲1.5小時後熄火，唔好開蓋繼續焗至豬手湯涼後，

小心撈起咸豬手去骨，咸豬手骨放入湯內，而咸豬手肉就盛起備用；

燒熱油鑊加洋蔥和蒜蓉炒至軟身，加入調味炒勻後，

加入咸豬手肉和4碗咸豬手湯煮滾，轉小火慢慢炆煮30分鐘；

撈起咸豬手上碟後，再將黑椒洋蔥汁煮滾，加生粉水埋芡汁，

將黑椒洋蔥汁淋在咸豬手面，最後再灑少許黑胡椒碎便成。

~煲咸豬手湯我冇再加鹽，因為已經夠哂味道呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page