2022年11月14日 星期一

沙茶肥牛金菇粉絲煲


今晚食番噚晚打邊爐食剩嘅嘢;

專登買咗樽沙茶醬嚟打邊爐,

沙茶醬係打邊爐必備嘅調味醬之一,

我好鐘意沙茶嘅香味,

用嚟左溝溝右溝溝(麻辣油、豉油、麻油),

整碟美味調味嚟打邊爐就very good!!!

今日就用佢嚟整咗個沙茶肥牛金菇粉絲煲,

加埋白灼蝦和灼菜芯,

開得飯啦!











材料: 肥牛1磅、金菇適量、粉絲適量、蒜蓉、紹酒半湯匙、生粉水、

蔥粒、辣椒仔2隻(切粒)、沙茶醬2湯匙、

調味: 蠔油1湯匙、豉油半湯匙、老抽半湯匙、糖1茶匙、鹽少許

做法: 肥牛解凍後切半,放入熱水內灼至30秒至轉色後撈起;

粉絲浸軟隔水備用;金菇去硬蒂備用;

燒熱鑊落油,先爆香沙茶匙和蒜蓉,落調味和1.5碗水煮滾,

加金菇和粉絲煮至翻滾後,加入肥牛煮至汁濃,落少許生粉水埋芡汁,

最後灑上蔥粒和辣椒粒裝飾便成。

~唔落水,落清雞湯更惹味香濃呀!

 
  
大家可以入嚟Facebook讚下我新開嘅Fans專頁呀! 






4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!