醃咗一大碗咸魚豬肉，
可以整出三款唔同嘅菜式，
咸魚煎肉餅、客家釀苦瓜和魚香茄子，
三款菜式簡單又易做，
梗有一款啱妳哋嘅口味架!
材料: 梅香咸魚1/4件、梅頭豬肉碎$35(最好有少少肥肉)、乾蔥頭一個
醃料: 豉油1湯匙、糖1.5茶匙、生粉1茶匙、麻油少許、水2湯匙
做法: 將梅香咸魚拆肉；乾蔥頭切碎；
將豬肉碎、咸魚碎和乾蔥碎放入大碗內，加入醃料攪勻，
放入雪櫃雪一小時便成。
咸魚煎肉餅(可加入馬蹄粒或蝦米碎，口感更佳)
~將肉餡搓成球壓成餅，放入易潔鑊中煎至肉餅兩邊金黃色或熟便成。
客家釀苦瓜
調味: 蠔油1湯匙、豉油1湯匙、老抽少許、糖1茶匙、1碗水
~將苦瓜切件，燒熱水加半茶匙糖，落苦瓜灼1~2分鐘後撈起沖水；
挖空中間部份，撲生粉係苦瓜內餡入咸魚豬肉餡；
凍鍋落油燒熱，略煎苦瓜兩面後上碟；
凍鍋落油燒熱，先爆香豆豉粒和蒜蓉，加苦瓜和調味煮20分鐘；
最後落生粉水埋茨汁便成。
魚香茄子(茄子免走油版)
調味: 蠔油半湯匙、豆瓣醬1茶匙、豉油半湯匙、老抽少許、
糖1茶匙、生粉1茶匙、水6湯匙
糖1茶匙、生粉1茶匙、水6湯匙
做法: 燒熱鑊落油，先爆香蒜蓉和咸魚豬肉碎，加茄子炒勻後，
嘩…大鑊喇，我三樣都鐘意食呀
回覆刪除哈哈，咁啱架，我都係三樣都鐘意食呀!
刪除三樣都好吸引呀!
回覆刪除Yummy yummy!
刪除等我用鬼佬鹹魚試吓先。
回覆刪除鬼佬咸魚好唔好食架???
刪除我三樣都鍾意食，但未試過煮苦瓜。 你件鹹魚好大件架，咁夠用嘅。
回覆刪除哈哈，我買果件咸魚又真係好大件架，慳食D都可以分幾餐食呀!
刪除我三樣都鐘意食呀
回覆刪除我都係呀!
刪除講起鹹魚，我最近有件激氣事! 我去嗰間叫優品360零食店到買佐2樽泰國鹹魚，喱間店就係專為領展高價收購到商場後，俾佢地貴一貴去租。唔記得好似成60蚊1樽架, 點知嗰日原本好開心，因為好耐無食鹹魚鸡粒炒飯, 好想食。 點知想煮飯時，一打開，嘩! 陣味臭到我老公話佢以為係邊到爆渠。我本來想慳，驚俾我老公鬧我徏錢，想照用。於是博命搵水係甘洗。 好彩! 我老公鬧我叫我掉佐佢。我幾唔開心呀，最慘係買佐2樽，另一樽都唔甘開佢，即刻掉佐，甘又蝕佐百幾蚊喇! 我已經將哩間店BLACK LIST佐佢。我希望大家廣為通傳，因為呢間店，我見好多分店都無生意，原來入有問題既貨都照樣賣俾人。最衰我唔習慣KEEP單，唔係我都會走去退錢。大家要留意呢間黑店呀!
回覆刪除我買咸魚通常係雜貨舖買，邊塊咸魚靚就叫佢切呀!
刪除同有, 果間優品360零食店, 我係同日除佐買鹹魚外, 同買佐2袋韓國製的PANCAKE粉, 我買開的一隻香港牌子, 一向加開的水既份量都無問題的, 但係用同一份量開呢兩袋韓國PANCAKE粉, 就變得好稀，最後煮到塊塊都爛。我唔知係我唔好彩，定係呢間店入貨既質量有問題，總之，我對呢間店已經好失望，以後都唔會去買野!
回覆刪除韓國pancake粉我未食過，所以唔係好知佢嘅質感，下次都係買番自己用問的牌子，有保証嘛!
刪除魚香茄子好送飯
回覆刪除添飯啦喂!
刪除三款都啱特別係醸苦瓜至愛，你整得好美味望見都想來多一碗白飯咁好餸。哈哈！
回覆刪除哈哈，咁唔好客氣，齊齊添飯啦喂!
刪除三樣都好好味啊！食邊樣先好尼
回覆刪除哈哈，真係幾難選擇架!
刪除