2017年8月11日 星期五

咸魚煎肉餅、客家釀苦瓜和魚香茄子


醃咗一大碗咸魚豬肉,

可以整出三款唔同嘅菜式,

咸魚煎肉餅、客家釀苦瓜和魚香茄子,

三款菜式簡單又易做,

梗有一款啱妳哋嘅口味架!









材料: 梅香咸魚1/4件、梅頭豬肉碎$35(最好有少少肥肉)、乾蔥頭一個

醃料: 豉油1湯匙、糖1.5茶匙、生粉1茶匙、麻油少許、水2湯匙

做法: 將梅香咸魚拆肉;乾蔥頭切碎;

將豬肉碎、咸魚碎和乾蔥碎放入大碗內,加入醃料攪勻,

放入雪櫃雪一小時便成。

咸魚煎肉餅(可加入馬蹄粒或蝦米碎,口感更佳)

~將肉餡搓成球壓成餅,放入易潔鑊中煎至肉餅兩邊金黃色或熟便成。

客家釀苦瓜

調味: 蠔油1湯匙、豉油1湯匙、老抽少許、糖1茶匙、1碗水

~將苦瓜切件,燒熱水加半茶匙糖,落苦瓜灼1~2分鐘後撈起沖水;

挖空中間部份,撲生粉係苦瓜內餡入咸魚豬肉餡;

凍鍋落油燒熱,略煎苦瓜兩面後上碟;

凍鍋落油燒熱,先爆香豆豉粒和蒜蓉,加苦瓜和調味煮20分鐘;


最後落生粉水埋茨汁便成。

魚香茄子(茄子免走油版)


調味: 蠔油半湯匙、豆瓣醬1茶匙、豉油半湯匙、老抽少許、

糖1茶匙、生粉1茶匙、水6湯匙

做法: 燒熱鑊落油,先爆香蒜蓉和咸魚豬肉碎,加茄子炒勻後,

落調味煮至汁濃或茄子熟便成。


  


大家可以入嚟Facebook讚下我新開嘅Fans專頁呀!






20 則留言 :

  1. 嘩…大鑊喇,我三樣都鐘意食呀

    回覆刪除
    回覆
    1. 哈哈,咁啱架,我都係三樣都鐘意食呀!

      刪除
  2. 等我用鬼佬鹹魚試吓先。

    回覆刪除
  3. 我三樣都鍾意食,但未試過煮苦瓜。 你件鹹魚好大件架,咁夠用嘅。

    回覆刪除
    回覆
    1. 哈哈,我買果件咸魚又真係好大件架,慳食D都可以分幾餐食呀!

      刪除
  4. 講起鹹魚,我最近有件激氣事! 我去嗰間叫優品360零食店到買佐2樽泰國鹹魚,喱間店就係專為領展高價收購到商場後,俾佢地貴一貴去租。唔記得好似成60蚊1樽架, 點知嗰日原本好開心,因為好耐無食鹹魚鸡粒炒飯, 好想食。 點知想煮飯時,一打開,嘩! 陣味臭到我老公話佢以為係邊到爆渠。我本來想慳,驚俾我老公鬧我徏錢,想照用。於是博命搵水係甘洗。 好彩! 我老公鬧我叫我掉佐佢。我幾唔開心呀,最慘係買佐2樽,另一樽都唔甘開佢,即刻掉佐,甘又蝕佐百幾蚊喇! 我已經將哩間店BLACK LIST佐佢。我希望大家廣為通傳,因為呢間店,我見好多分店都無生意,原來入有問題既貨都照樣賣俾人。最衰我唔習慣KEEP單,唔係我都會走去退錢。大家要留意呢間黑店呀!

    回覆刪除
    回覆
    1. 我買咸魚通常係雜貨舖買,邊塊咸魚靚就叫佢切呀!

      刪除
  5. 同有, 果間優品360零食店, 我係同日除佐買鹹魚外, 同買佐2袋韓國製的PANCAKE粉, 我買開的一隻香港牌子, 一向加開的水既份量都無問題的, 但係用同一份量開呢兩袋韓國PANCAKE粉, 就變得好稀,最後煮到塊塊都爛。我唔知係我唔好彩,定係呢間店入貨既質量有問題,總之,我對呢間店已經好失望,以後都唔會去買野!

    回覆刪除
    回覆
    1. 韓國pancake粉我未食過,所以唔係好知佢嘅質感,下次都係買番自己用問的牌子,有保証嘛!

      刪除
  6. 三款都啱特別係醸苦瓜至愛,你整得好美味望見都想來多一碗白飯咁好餸。哈哈!

    回覆刪除
    回覆
    1. 哈哈,咁唔好客氣,齊齊添飯啦喂!

      刪除
  7. 三樣都好好味啊!食邊樣先好尼

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!