英國&意大利畢業之旅~維羅納&威尼斯

英國&意大利之旅

7月17日，

咁快又要離開博洛尼亞喇!

今日要搭火車落去意大利另一個城市~維羅納!

維羅納係羅密歐和茱麗葉故事嘅發源地。

幸運地遇到一個係呢度開意大利餐廳嘅中國人，

講咗好多她家鄉的事情；

今次小魔怪又搵到一間住宅式民宿，

一房一飯廳一廁所，

仲有埋露台添，

正呀!

可惜呢度係3樓，

冇電梯呀!>.<

雖然係咁，

但呢間民宿方便在於樓下就係大街，

隔離就係出名茱麗葉故居，

另一邊就係個小市集，

都幾多嘢睇架!

行到攰又食番杯意大利雪糕嘆番下先得!

晚餐食得好簡單，

小魔怪整煙肉粒炒意粉，

炒青口和罐頭魚，

加埋飯後水果，

飽飽囉!

 7月18日，

其實維羅納只係一個中轉站，

逗留一日就要離開了，

11點前要交房，

但又未夠鐘搭火車去威尼斯，

惟有拉埋行李去其他景點參觀啦!

不過話時話，

咁樣都幾辛苦，

大熱天時個喼又重，

好鬼攰架!

真係行到冇哂力，

搵間餐廳坐底食下嘢，

坐到夠鐘先去火車站呀!

終於嚟到威尼斯，

第一時間緊係去搵我哋訂嘅住宅式民宿啦!

之後就係去超市入貨，

今日真係要好好休息，

明天繼續行行行呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page