炒冷飯~蝦醬蝦仁肉碎蛋炒飯

雪櫃有一大碗冷飯，

摷埋冰箱睇下有咩其他物資，

咁就整咗呢個蝦醬蝦仁肉碎蛋炒飯喇!

咪話喎，

雖然話係剩餘物資，

但老公話呢個炒飯材料好豐富，

食到啖啖肉呀!

材料: 冷飯3~4碗、虎蝦仁12隻、豬肉碎$10、菜花4條、雞蛋2隻、蝦醬適量

醃料: 豉油1茶匙、鹽少許、糖半茶匙、生粉少許、麻油少連、水1湯匙

做法: 豬肉碎用醃料醃30分鐘；雞蛋發勻備用；菜芯切粒；

蝦仁解凍後用廚紙索乾水份後切粒，加少許鹽、胡椒粉和麻油調味；

燒熱油鑊落蛋快炒上碟；原鑊落蝦仁快炒至轉色後上碟；

再落少許油燒熱，落豬肉碎炒至轉色或熟後，加蝦醬、菜芯粒和蝦仁炒勻，

加冷飯炒至飯粒散後，最後落埋滑蛋炒勻便成。

   

 

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page