雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2017年8月22日星期二

麻辣蒜泥白肉

小魔怪同女朋友仔上星期去咗美食博覽，

買咗樽麻辣醬返嚟，

食落麻麻香香仲辣辣哋，

啱哂用嚟整呢個麻辣蒜泥白肉喇!

材料: 有皮腩肉2件、薑2片、蔥適量、紹酒1湯匙、蒜蓉適量

調味: 麻辣醬2茶匙、豉油1湯匙(我用咗蒸魚豉油)、麻油少許、糖少許

做法: 將豬腩肉用薑、蔥和紹酒出水45分鐘，不用開蓋焗15-20分鐘；

取出腩肉洗淨浸凍滾水，待涼後放雪櫃雪凍，食前1小時從雪櫃取出切片；

將蒜蓉和調味混合攪勻，放在切好的腩肉旁伴食。