英國&意大利畢業之旅~意大利博洛尼亞第一、二天

英國&意大利之旅

7月15日，

今朝連早餐都冇食就準備去機場喇!

因為我哋會先去紐卡素轉機返倫敦，

再由倫敦飛去意大利博洛尼亞。

當話要嚟英國嘅時候，

姐姐已經千叮萬囑我一定要幫佢買呢款香水，

佢做足哂功課架啦!

知道英國希思路免稅店買係全世界最平，

香港買要成$1200樽，

但呢度買只係$700幾左右，

慳番唔少錢，

終於任務完成了!

簡單食咗個午餐就上機去去意大利博洛尼亞。

呢間酒店雖然細細哋，

但住起嚟感覺都好舒服，

最緊要係有冷氣呀!

放底行李就走咗去搵食啦!

 7月16日，

食過酒店早餐後，

我哋就係博洛尼亞附近周圍行下喇!

同小魔怪去旅行，

一定要有足夠嘅心理準備和體力先得，

點解???

因為佢超級鐘意行路，

又鐘意周圍去睇嘢，

攞住個電話一路上google map，

一路睇下附近有咩景點及值得參觀嘅地方，

閑閑地一日行十幾廿個鐘都可以呀!

周圍行有周圍行嘅好處，

就係俾我哋係意大利博洛尼亞呢個咁偏嘅地方，

都可以俾我哋搵到一間中國餐館，

今晚晚餐好着落了，

味道仲好唔錯添架!

啱哂我哋口味呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page