超健康版~椒鹽焗豆腐

大魔怪係素食者大家都知，

近排佢仲學人玩健身，

食嘢方面仲好鬼清添(少油少鹽少糖)；

佢話想食冇油嘅炸豆腐喎!

問我識唔識整???

冇話識唔識嘅，

試下咪知囉!

呢個超健康版嘅椒鹽焗豆腐，

真係一滴油都冇落架，

用焗爐焗都有脆嘅效果，

灑加咗少少椒鹽，

再點少少沙律醋食，

味道都唔錯架!

不過下次要買更幼細嘅麵包糠整先得，

今次粗粗哋食住先啦!

材料: 硬豆腐1盒、雞蛋1隻、麵包糠適量、椒鹽、中華醋白沙律汁

做法: 雞蛋發勻備用；取出硬豆腐用廚紙索乾水份後切8件；

順次序將硬豆腐沾蛋後再沾麵包糠放入焗盆內，

放入焗爐用180度焗15分鐘，其間需要反轉豆腐一次，

取出豆腐後，灑上椒鹽及點中華沙律汁伴食便可。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page