我有一個習慣，
就係每次買雞返嚟整白切雞又或手撕雞時，
都會留起2隻雞腳雪係冰箱；
今次儲埋6隻雞腳，
就用咗佢哋嚟煲湯，
今日就煲咗沙參玉竹蓮子茨實百合豬腱煲雞腳。
材料: 沙參、玉竹、蓮子、百合($25)、淮山5片、豬腱$80、
雞腳6隻、圓肉2湯匙、瑤柱6粒、蜜棗3粒
做法: 所有藥材浸15分鐘；豬腱切件和雞腳出水備用；
燒熱10碗水，加入所有材料煮滾後，轉小火慢慢煲2小時，
最後落鹽調味便成。
沙參: 養陰清肺，祛痰止咳。治肺熱燥喉，虛勞久咳，陰傷咽乾，口渴。
玉竹:養陰，潤燥，除煩，止渴。主治時疾寒熱，內補不足，潤心肺，熱病陰傷，咳嗽煩渴，虛勞發熱，消谷易肌，小便數頻。
蓮子: 為滋養食品，有鎮靜安神之效。
百合: 潤肺止咳，清心安神，治肺癆久咳，咳唾痰血，熱病後餘熱未清，虛煩驚悸，神志恍惚；腳氣浮腫。
圓肉: 開胃益脾，補心長智。龍眼肉為營養品，有安神補血之效。果核為收斂止血藥。
我鍾意雞腳湯
回覆刪除我逢湯都鐘意飲呀!
刪除Ha Ha, 我也有儲埋雞腳習慣.
回覆刪除