屋苑附近原本賣澳洲冰鮮豬肉嘅舖頭，
依家轉咗賣新鮮豬肉，
除有特價優惠外(每斤$32起)，
買滿$50送2隻土雞蛋，
買滿$100就送5隻土雞蛋；
嘻嘻，
咁抵買，
我都唔執輸先得，
買咗豬手、排骨和梅頭瘦肉呀!
噚日已經滷定隻豬手，
今日先食好入味呀!
材料: 豬手1隻、薑10片、蔥段、紹酒2湯匙、滷水包1個
調味: 老抽4~5湯匙、豉油2湯匙、冰糖適量
做法: 凍水落鍋加入豬手、薑5片、蔥段和紹酒1湯匙，
煮滾出水8分鐘後撈起沖水備用；
燒熱油鑊落薑5片煎香，加入豬手快炒後贊紹酒1湯匙，
炒出香味後落調味、冰糖、5~6碗熱水和滷水包，
煮滾後轉細火慢慢煮1小時，熄火後唔好開蓋繼續焗佢煮涼後，
食飯前再火炆多15分鐘，按個人口味落鹽調味便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!