吉列炸魚柳

買咗1大包魚柳返嚟，

攞咗其2塊嚟整吉列炸魚柳，

炸到脆卜卜，

點沙律醬食就最啱喇!

材料: 魚柳2條、蛋1隻、生粉適量、麵包糠、沙律醬

醃料: 鹽半茶匙、胡椒粉適量、麻油少許

做法: 魚柳解凍後，用廚紙索乾水份，落醃料醃4小時；蛋打散備用；

將魚柳放入大膠袋內，加入生粉搖勻，讓魚柳全部沾上生粉；

之後將魚柳沾上蛋液和麵包糠，靜待1-2分鐘；

燒熱油鑊後轉中小火，落魚柳炸至兩面金黃色撈起，

最後轉大火燒滾後，再炸魚15~20秒左右，撈起用廚紙隔油上碟便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page