蒜頭豆豉南瓜炆排骨

上星期買咗片南瓜，

擺咗係雪櫃差D唔記得咗，

好彩老公提我，

唔係又嘥咗架啦!

老公鐘意食南瓜，

差不多大部份嘅南瓜都俾佢食哂呀!

材料: 南瓜1片、腩排1條、蒜頭2粒、豆豉適量、紹酒少許、蔥粒

醃料: 豉油1湯匙、鹽少許、糖1茶匙、生粉1茶匙、麻油少許

調味: 蠔油1湯匙、豉油半湯匙、生粉1茶匙

做法: 腩排洗淨後，落醃料醃15分鐘；南瓜去皮切大件；

燒熱鑊落腩排快炒後贊酒，加1.5碗水煮15~20分鐘後盛起備用；

燒熱鑊落少許油，先爆香蒜頭豆豉和南瓜，加入腩排(連炆排骨汁)和調味，

煮至南瓜淋身後，落少許生粉水和蔥粒炒勻便成。

 

 

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page