日式炸雞翼

每次去日本，

我哋都勁鐘意行日本超市，

因為實會買到好多啱哂我呢個懶人煮婦用嘅嘢架!

今次就買咗呢包日清出嘅炸雞粉喇!

超方便，

唔使預先醃，

廿分鐘就有炸雞食，

係咪好正呢!

材料: 雞翼12隻、日清醬油味炸粉1包、水110CC

做法: 雞翼解凍後，用廚紙索乾水份，係雞翼背面用刀界開(易入味)；

將日清炸粉放入大碗內，按包裝上落110CC水攪勻，加入雞翼醃10分鐘；

用中大火燒熱油鑊後即轉小火，加入雞翼(有皮)炸1分鐘待定型後，

反轉雞翼(雞背)再炸多2分鐘，再轉雞翼(有皮)再炸多1分鐘就完成啦!

~提提大家，呢個炸雞粉都幾黐鍋，一定要用易潔鑊先好炸呀!

~唔炸雞翼，可以買雞胸肉或雞腿肉切粒嚟炸都得架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page