酸辣炒土豆絲

今日食酸辣炒土豆絲，

呢個餸係小魔怪至愛嚟架!

佢話日日炒嚟食都唔會厭喎!

話時話，

呢個餸除咗平靚正之外，

用嚟做打斧頭餸就最啱啦!

因為薯仔兩個都係$4咋!

材料: 薯仔2個、辣椒1隻(切粒)、蔥段、蒜蓉

調味: 陳醋或調味黑醋1湯匙、鹽1茶匙、糖半茶匙

做法: 薯仔去皮切絲，浸清水半小時後撈起備用(去澱粉質)；

燒熱油鑊落蒜蓉和辣椒粒爆香，加入土豆絲快手炒勻至土豆絲轉透明色，

落埋蔥段和調味炒勻便成。

(全程不用加水，炒到土豆絲乾身就最好食架啦!)

(唔食得太辣，辣椒可以先去籽呀!)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page