B仔雞翼尖，
大家都應該食過架啦!
小魔怪同佢女朋友仔就食過幾次，
不過次次都食到到喉唔到肺，
佢話要我整俾佢哋食喎!
剩食雞翼尖唔係好健康，
所以我用咗雞全翼，
有雞翼、雞膇和雞翼尖，
咁就好食好多啦!
拿，
話明係老翻架，
呢個味道緊係冇原裝咁重口味啦!
材料: 雞全翼8隻、蒜頭1個、辣椒仔5隻、紹酒大半碗、生粉水少許
調味: 鹽1.5茶匙、糖3茶匙、雞粉1.5茶匙
做法: 雞全翼解凍後切件；蒜蓉切碎粒；辣椒切粒；
燒熱水加紹酒1湯匙、鹽1茶匙，落雞翼出水5分鐘後撈起沖水備用；
落少許油爆香半份蒜蓉和辣椒粒，加紹酒大半碗煮滾後，
落雞翼快手炒勻，加入調味和水1碗半，煮滾後轉小火慢慢煮30分鐘，
加埋餘下嘅蒜蓉煮多5分鐘，落少許生粉水埋茨汁便成。
大家可以入嚟Facebook讚下我新開嘅Fans專頁呀!
